பெருவில் டெங்கு தொற்றுக்கள் அதிகரித்து வருவதால் அதன் பெரும்பாலான மாகாணங்களில் சுகாதார அவசரநிலையை அறிவித்தது.
நாட்டின் சுகாதார அமைச்சின் கூற்றுப்படி, இந்த ஆண்டின் முதல் ஏழு வாரங்களில் பதிவுசெய்யப்பட்ட டெங்கு தொற்றுக்களின் எண்ணிக்கை 2023 ஆம் ஆண்டின் இதே காலப்பகுதியை விட இரண்டு மடங்கு அதிகமாகும் – 31,000 க்கும் அதிகமான தொற்றுக்கள் பதிவு செய்யப்பட்டுள்ளன.
“இது ஒரு பெரிய பிரச்சனை” என்று சுகாதார மந்திரி சீசர் வாஸ்குவெஸ் கடந்த வாரம் அவசரநிலை அறிவிக்கப்படுவதற்கு முன்பு கூறினார். “அது கையை விட்டு போகிறது.”
சுகாதார அவசரநிலை, பாதிக்கப்பட்ட பகுதிகளுக்கு விரைவாக நிதியை மாற்றவும், மருத்துவர்கள் மற்றும் செவிலியர்களை கொண்டு செல்லவும் நாட்டின் அரசாங்கத்திற்கு உதவும். தலைநகர் லிமாவைச் சுற்றியுள்ள பகுதிகள் உட்பட நாட்டின் 24 மாகாணங்களில் 20 மாகாணங்களில் அவசர நிலை பிரகடனப்படுத்தப்பட்டுள்ளது.
கடந்த ஆண்டு ஒரு டெங்கு தொற்றுநோய் பெருவின் பொது சுகாதார அமைப்பை சிரமத்திற்கு உள்ளாக்கியது, ஆயிரக்கணக்கானோர் அவசர அறைகளில் கவனிப்பை நாடினர்.
இந்த நோய் ஏடிஸ் எகிப்தி என்ற நுளம்பால் பரவுகிறது, இது வெப்பமான மற்றும் ஈரப்பதமான நிலையில் இனப்பெருக்கம் செய்கிறது.
பெரும்பாலான டெங்கு நோயாளிகள் லேசான அறிகுறிகளைக் கொண்டிருந்தாலும், இந்நோய் கடுமையான தலைவலி, காய்ச்சல் மற்றும் தசைவலி போன்றவற்றை ஏற்படுத்தும்.
கடந்த ஆண்டு, பெருவில் டெங்கு தொற்றுநோயால் 18 பேர் இறந்தனர், இந்த ஆண்டின் முதல் இரண்டு மாதங்களில் 32 பேர் வைரஸால் இறந்துள்ளனர்.
டிசம்பரில், உலக சுகாதார அமைப்பு பெருவின் 2023 டெங்கு தொற்றுநோய் மழை மற்றும் வெப்பமான வெப்பநிலையுடன் தொடர்புடையது என்று குறிப்பிட்டது.
