ஜனசக்தி குழுமத்தின் முன்னாள் பணிப்பாளர் தினேஷ் ஷாஃப்டரின் மரணம் ஒரு குற்றம் எனவும் கழுத்து மற்றும் முகத்தில் அழுத்தத்தினால் மரணம் ஏற்பட்டுள்ளதாக கொழும்பு மேலதிக நீதவான் ராஜீந்திர ஜயசூரிய அறிவித்துள்ளார்.
சந்தேகநபர்களை உடனடியாக கைது செய்து நீதிமன்றத்தில் ஆஜர்படுத்துமாறு குற்றப் புலனாய்வு திணைக்களத்திற்கு (CID) நேற்று (1) அவர் உத்தரவிட்டுள்ளார்.
ஐந்து பேர் கொண்ட தடயவியல் மருத்துவக் குழுவின் பரிந்துரைகளில், பெரும்பான்மைக் கருத்தின் அடிப்படையில் (4:1) தினேஷ் ஷாஃப்டரின் மரணம் கழுத்து மற்றும் முகத்தை அழுத்தியதால் ஏற்பட்டதாக தீர்மானிக்கப்பட்டது. இந்த பரிந்துரையை பரிசீலித்த நீதவான், இது ஒரு குற்றம் என்றும், இந்த மரணம் தொடர்பில் நியாயமான சந்தேகம் இருப்பதாகவும், சந்தேக நபர்களை உடனடியாக கைது செய்யுமாறு குற்றப் புலனாய்வுப் பிரிவினருக்கு உத்தரவிட்டார்.
குறித்த உத்தரவின் பிரதிகளை சட்டமா அதிபர் திணைக்களம், குற்றப் புலனாய்வு திணைக்களம் மற்றும் சட்டத்தரணிகளுக்கு வழங்குமாறு உத்தரவிட்ட நீதவான், மருத்துவக் குழுவின் ஆலோசனையின் பேரில் மேலதிக விசாரணைகளை மேற்கொள்ளுமாறு குற்றப் புலனாய்வுப் பிரிவினருக்கு உத்தரவிட்டுள்ளார்.
குற்றமொன்று இடம்பெற்றுள்ளதாக உண்மைகள் தெரியவருவதால் நீதியை உறுதிப்படுத்துமாறு நீதிவான் குற்றப் புலனாய்வு திணைக்களத்திற்கு அறிவித்துள்ளார்.
ஜனாதிபதி சட்டத்தரணிகளான சாலிய பீரிஸ் மற்றும் அனுஜா பிரேமரத்ன ஆகியோர் மருத்துவக் குழுவைப் பாராட்டினர். மருத்துவக் குழு வழங்கிய ஆதரவிற்கு நீதிமன்றம் நன்றி தெரிவித்தது.
கொழும்பு பல்கலைக்கழகத்தின் தடயவியல் நிபுணர் வைத்தியர் அசேல மெண்டிஸ் இந்த ஐந்து பேர் கொண்ட மருத்துவக் குழுவின் தலைவராக இருந்தார்.
ருஹுனு பல்கலைக்கழகத்தின் பேராசிரியர் டி.சி.ஆர்.பெரேரா, பேராதனை பல்கலைக்கழக சட்ட வைத்திய நிபுணர் பேராசிரியர் டி.பெர்னாண்டோ, பேராதனை வைத்தியசாலையின் சிரேஷ்ட நீதி வைத்திய அதிகாரி வைத்தியர் A.S சிவசுப்ரமணியம் மற்றும் காலி கராபிட்டிய வைத்தியசாலையின் சிரேஷ்ட நீதி வைத்திய அதிகாரி G.R. ருவன்புர ஆகியோர் குழுவின் ஏனைய உறுப்பினர்களாவர்.
இந்த ஐந்து உறுப்பினர்களைக் கொண்ட மருத்துவக் குழு, எட்டு மாதங்களைச் செலவிட்டு, இந்த முடிவில் ஒருமித்த கருத்தைப் பெற்று, விசாரணை அறிக்கைகள், கடைசி சிகிச்சையின் ஆவணங்கள், தனிப்பட்ட அறிக்கைகள், தொலைபேசி பகுப்பாய்வு அறிக்கைகள் ஆகியவற்றில் கவனம் செலுத்தியது.
சயனைட் உட்கொண்டதால் மரணம் ஏற்பட்டதாக நம்பப்பட்டாலும், அந்த மரணம் கழுத்தை நெரித்ததால் ஏற்பட்டதா அல்லது தற்கொலையா என்பதை தீர்மானிக்க, இதய செயலிழப்பு குறித்து இரத்த பரிசோதனையை இந்தக் குழுவினர் மேற்கொண்டனர். இறந்தவர் மருத்துவமனையில் அனுமதிக்கப்பட்டபோது, மேற்கொள்ளப்பட்ட பரிசோதனையின் மூலம் பெறப்பட்ட இரத்த அமிலத்தன்மை மற்றும் ஒட்சிசன் அறிக்கையின் அடிப்படையில், சயனைட் உட்கொண்டதால் இந்த மரணம் நிகழ்ந்தது என்ற கருத்து அக்குழுவால் நிராகரிக்கப்பட்டதுடன், மரணம் தொடர்பாக சந்தேகம் இருப்பதாகவும், மறு பரிசோதனைக்காக சடலத்தை தோண்டி எடுக்க வேண்டும் என்றும் கோரிக்கை விடுத்தனர்.
பிரேத பரிசோதனை அறிக்கை மற்றும் வயிற்றில் சயனைடு இருந்தமையே சடலத்தை தோண்டி எடுக்க கோரிக்கை விடுக்கப்பட்டுள்ளது. உடலைப் பரிசோதிப்பதில் வெளிப்புற காயங்களைக் கண்டறிவது கடினமாக இருந்தாலும், திசுக்களின் பரிசோதனையை மேற்கொள்வதன் மூலம், கழுத்தில் சில அழுத்தம் ஏற்படுவதால் இதயம் நின்று போய் திசுக்களில் ரத்தக்கசிவு ஏற்பட்டது என்று மருத்துவர்கள் ஒரு கருத்தை உருவாக்கினர்.
குறிப்பாக கழுத்து மற்றும் முகம் இழைகளில் அதற்கான தடயத்தைக் கொண்டிருந்தது.
மரணத்தை உண்டாக்கும் அளவுக்கு சயனைட் உட்கொள்ளப்படாததால் வாய்வழியாக யார் சயனைட் கொடுத்தார்கள் என்பதை உறுதிப்படுத்துவது கடினம் என்பது மருத்துவரின் கருத்து.
இரத்த மாதிரிகள் தொடர்பாக நடத்தப்பட்ட விசாரணையில், கால் நரம்புகளில் இருந்து எடுக்கப்பட்ட இரத்த மாதிரியில் உயிரிழப்பை ஏற்படுத்தும் அளவுக்கு சயனைட் இல்லை என்பது தெரியவந்தது. கழுத்து மற்றும் முகம் பகுதியில் காணப்படும் இழைகளின் தன்மையை அவதானித்த பின்னர், முகம் மற்றும் கழுத்தில் அழுத்தம் கொடுக்கப்பட்டதால் மரணம் ஏற்பட்டதாக பரிந்துரைக்கப்பட்டது.
இந்த மரணம் இயற்கையானது அல்ல, விபத்தினால் ஏற்பட்ட மரணம் அல்ல, அது தற்கொலையல்ல, எனவே இது ஒருவித நார்களால் கழுத்தை நெரித்து செய்யப்பட்ட குற்றம் என்பது மருத்துவர்களின் கருத்து.
இந்த உண்மைகளை கவனத்தில் கொண்ட நீதவான், உடனடியாக புதிய வழியின் அடிப்படையில் விசாரணை நடத்துமாறு குற்றப் புலனாய்வுப் பிரிவினருக்கு அறிவித்தார். சந்தேக நபர்களை கைது செய்து நீதிமன்றத்தில் ஆஜர்படுத்துமாறு உத்தரவிட்டார்.
மே 18 அன்று, கொழும்பு பல்கலைக்கழகத்தின் தடயவியல் நிபுணர் பேராசிரியர் அசேல மெண்டிஸ் தலைமையிலான ஐவர் அடங்கிய நிபுணர் குழு, ஷாஃப்டரின் உடலை தோண்டி எடுக்க நீதிமன்ற உத்தரவை பிறப்பிக்குமாறு கொழும்பு மேலதிக நீதவான் ராஜீந்திர ஜெயசூரியவிடம் கோரியது. அதன் பின்னரே ஜனசக்தி குழுமத்தின் பணிப்பாளர் தினேஷ் ஷாஃப்டரின் மரணத்திற்கான காரணம் குறித்து அவர்கள் முடிவெடுக்க முடியும் என்றனர்.
தினேஷ் ஷாஃப்டரின் மரணம் தொடர்பில் சரியான முடிவை எடுப்பதற்காக கொழும்பு பல்கலைக்கழகத்தின் தடயவியல் நிபுணர் பேராசிரியர் அசேல மெண்டிஸ் தலைமையில் ஐந்து பேர் கொண்ட நிபுணர் குழுவை கொழும்பு மேலதிக நீதவான் ராஜீந்திர ஜயசூரிய பெப்ரவரி 27 அன்று நியமித்தார்.
பிரேதப் பரிசோதனை அறிக்கைகள், DNA அறிக்கைகள், SOCO அதிகாரியின் அறிக்கைகள், கொழும்பு தேசிய வைத்தியசாலையில் அனுமதிக்கப்பட்டு அவசர சிகிச்சைப் பிரிவில் சிகிச்சை பெற்று வந்த தினேஷ் ஷாஃப்டரின் படுக்கை தலைச் சீட்டு, ஷாஃப்டரின் மனநோய் அறிக்கைகள் உட்பட அனைத்து ஆவணங்களும், இறந்த தினேஷ் ஷாஃப்டரின் அனைத்து ஆவணங்களும். டிசம்பர் 15, 2022 அன்று, நீதிமன்றப் பதிவாளர் மூலம் குழுவிடம் வழங்கப்பட்டது.
அதன்படி, குற்றவியல் நடைமுறைச் சட்டத்தின் 375வது பிரிவின் மூலம், மாஜிஸ்திரேட்டுக்கு அளிக்கப்பட்ட அதிகாரத்தின் அடிப்படையில், மரணத்திற்கான காரணத்தைக் கண்டறிய ஐந்து பேர் கொண்ட மருத்துவக் குழுவை அவர் நியமித்தார்.
