நீதிபதி ரி.சரவணராஜாவுக்கு அச்சுறுத்தல் விடுக்கப்பட்டு, அவர் நாட்டை விட்டே வெளியேற வேண்டிய சூழல் ஏற்படுத்தப்பட்டதை கண்டித்து, யாழ்ப்பாணத்தில் நாளை (4) பிரமாண்ட மனிதச்சங்கிலி போராட்டம் நடத்தப்படவுள்ளது.
நாளை மருதனார்மடம் சந்தியில் இருந்து யாழ் நகரம் வரை மனிதச்சங்கிலி போராட்டம் நடத்தப்படவுள்ளது.
இது தொடர்பான துண்டுப்பிரசுரங்கள் இன்று யாழ் மாவட்டம் முழுவதும் விநியோகிக்கப்பட்டது.
புளொட் தலைவர் சித்தார்த்தன் எம்.பி, முன்னாள் மாகாணசபை உறுப்பினர் பா.கஜதீபன், இலங்கை தமிழ் அரசு கட்சியின் சே.கலையமுதன் உள்ளடங்கலானவர்கள் இன்று சுன்னாகம், மருதனார்மடம் பகுதியில் துண்டுப்பிரசுரங்கள் விநியோகித்தனர்.
தமிழ் தேசிய கட்சியின் தலைவர் என்.சிறிகாந்தா, ரெலோ அமைப்பின் யாழ் மாவட்ட அமைப்பாளர் தி.நிரோஸ் உள்ளடங்கிய குழுவினர் கோப்பாய் பகுதிகளில் துண்டுப்பிரசுரங்கள் விநியோகித்தனர்.
