கோடீஸ்வரர்களை வலையில் வீழ்த்தி பாரிய பண மோசடியில் ஈடுபட்டதாகக் கூறப்படும் திலினி பிரியமாலிக்கு பாதுகாப்பு வழங்கிய பல உயர் பொலிஸ் அதிகாரிகள் தொடர்பிலான தகவல்கள் தற்போது வெளிவருவதாக பொலிஸ் தலைமையக வட்டாரங்கள் தெரிவித்துள்ளன.
இவர்களில் இரண்டு சிரேஷ்ட பொலிஸ் உத்தியோகத்தர்களும் அடங்குவதாக பொலிஸ் தலைமையகத்திற்கு கிடைத்த தகவலின் அடிப்படையில் தெரியவந்துள்ளது.
அதிகாரிகளில் ஒருவர் திலினி பிரியமாலியின் பாதுகாப்பு ஆலோசகராக இருந்ததாகவும், மற்றைய அதிகாரி தங்க பொருட்கள் என்று கூறி, தங்க முலாம் பூசப்பட்ட பித்தளை கட்டிகளை கொண்டு செல்லப்படும் போது பாதுகாப்பை வழங்க நடவடிக்கை எடுத்ததாக கூறப்படுகிறது.
இரண்டு பொலிஸ் உத்தியோகத்தர்களும் இந்த பெண்ணுடன் நெருங்கிய தொடர்புகளை வைத்திருப்பதாகவும், கொழும்பில் உள்ள நட்சத்திர தர ஹோட்டல்களுக்கு அடிக்கடி சென்று வந்ததாகவும் தெரிவிக்கப்படுகிறது.
மேலும், ஓய்வு பெற்ற மூத்த அதிகாரி ஒருவரும் இந்த நிறுவனத்தில் பணிபுரிந்துள்ளார். புலனாய்வு முகமைகள் ஊடாக மேலதிக தகவல்களை ஏற்கனவே தேடி வருவதாக பொலிஸ் தலைமையகம் தெரிவித்துள்ளது.
தகவலின் உண்மைத்தன்மையை உறுதி செய்த பின்னர் அந்த அதிகாரிகளுக்கு எதிராக நடவடிக்கை எடுக்க காவல்துறை தலைமையகம் தயாராக இருப்பதாக வட்டாரங்கள் மேலும் தெரிவித்தன.
