சபாநாயகர் தினேஷ் குணவர்தனவை பதில் பிரதமராக நியமிக்குமாறு ஸ்ரீலங்கா பொதுஜன பெரமுனவின் கம்பஹா மாவட்ட நாடாளுமன்ற உறுப்பினர் சிசிர ஜயக்கொடி பதில் ஜனாதிபதியிடம் கோரிக்கை விடுத்துள்ளார்.
அரசியலமைப்பின் விதிகளுக்கு அமைய இதனை மேற்கொள்ள முடியும் எனவும் அவர் கூறியுள்ளார்.
ஜனாதிபதி பதவி காலியான பிறகு, புதிய ஜனாதிபதியை நியமிப்பதற்கு இடைப்பட்ட காலத்தில் பிரதமர் ஜனாதிபதியாகச் செயல்படுவார். பிரதமர் பதவி வெற்றிடமாகவுள்ளதால், அரசியலமைப்புச் சட்டத்தின் பிரகாரம் அமைச்சரவையில் மற்றுமொரு அமைச்சரை தற்காலிக ஜனாதிபதி நியமிக்க வேண்டும் என அவர் தெரிவித்துள்ளார்.
இது அரசியலமைப்பின் 40 (1) (c) வில் கூறப்பட்டுள்ளது என்று அவர் கூறுகிறார்.
தற்போதைய பிரதமர் தற்காலிக ஜனாதிபதியாக இருந்தால், அரசியலமைப்பின் படி அவர் இப்போது பிரதமர் பதவிக்கு கபினட் அமைச்சரை நியமிக்க வேண்டும். 1993 ஆம் ஆண்டு, அப்போது சபைத் தலைவராக இருந்த ரணில் விக்கிரமசிங்க பிரதமரானார். ஜனாதிபதி ரணசிங்க பிரேமதாசவின் படுகொலையின் பின்னர், அப்போதைய பிரதமர் டி.பி.விஜேதுங்க பதில் ஜனாதிபதியானார், அப்போது அமைச்சரவையில் அங்கம் வகித்த ரணில் விக்ரமசிங்கவை பிரதமராக விஜேதுங்க நியமித்தார்.
அங்கு, நாடாளுமன்ற அவைத் தலைவரை பிரதமருக்குப் பிறகு மூத்தவராகவும் தகுதியானவராகவும் கருதுவது மரபு. இம்முறை சபையின் தலைவராகவும் சிரேஷ்ட அமைச்சருமான தினேஷ் குணவர்தனவை பதில் பிரதமராக நியமிக்க வேண்டும் என ஜயக்கொடி குறிப்பிடுகின்றார்.
