ஜப்பானிய செம்படையின் நிறுவுனரான ஃபுசாகோ ஷிகெனோபு னோபு 20 ஆண்டு கால சிறைவாசத்திற்குப் பிறகு விடுதலையானார்.
தற்போது அவருக்கு 76 வயது.
1970கள் மற்றும் 1980களில் ஷிகெனோபு உலகின் மிக மோசமான பெண்களில் ஒருவராக கருதப்பட்டார். அப்போது அவரது தீவிர இடதுசாரிக் குழு பாலஸ்தீனத்திற்கு ஆதரவாக உலகம் முழுவதும் ஆயுதமேந்திய தாக்குதல்களை நடத்தியது.
1972 ஆம் ஆண்டு டெல் அவிவின் லாட் விமான நிலையத்தில் இயந்திரத் துப்பாக்கி மற்றும் கையெறி குண்டுத் தாக்குதலில் 26 பேர் கொல்லப்பட்டனர் மற்றும் 80 பேர் காயமடைந்தனர். இந்த கொடூர தாக்குதலுக்கு ஃபுசாகோ மூளையாக செயல்பட்டார் என்று நம்பப்படுகிறது.
1974ல் நெதர்லாந்தில் உள்ள பிரெஞ்சு தூதரகத்தை செம்படையினர் மூவர் முற்றுகையிட்ட சம்பவம் தொடர்பில் அவருக்குச் சிறைத் தண்டனை விதிக்கப்பட்டது. அப்போது அவர்கள், தூதரக அதிகாரிகளை 100 மணி நேரம் பிணை கைதியாக வைத்திருந்தனர்.
அவர் சிறையிலிருந்து வெளியேறிய போது பல ஆதரவாளர்கள் “நாங்கள் ஃபுசாகோவை நேசிக்கிறோம்” என்று பதாகையை வைத்திருந்தனர். ஷிகெனோபு தனது மகளுடன் கருப்பு காரில் டோக்கியோவில் உள்ள சிறைச்சாலையை விட்டு வெளியேறினார்.
விடுதலைக்குப் பிறகு செய்தியாளர்களிடம் பேசிய ஷிகெனோபு, “எனது கைது பலருக்கு சிரமத்தை ஏற்படுத்தியதற்கு மன்னிப்பு கேட்டுக்கொள்கிறேன். இது அரை நூற்றாண்டுக்கு முந்தையது… ஆனால் பணயக்கைதிகள் போன்ற எங்கள் போருக்கு முன்னுரிமை அளித்ததன் மூலம் எங்களுக்கு அந்நியர்களாக இருந்த அப்பாவி மக்களுக்கு சேதம் விளைவித்தோம்,” என்று அவர் கூறினார்.
சோயா சோஸ் நிறுவனத் தொழிலாளியாக இருந்த அவர் பின்னர் போராளியாக மாறினார். 2000 ஆம் ஆண்டில் ஜப்பானில் கைது செய்யப்பட்டார். இரண்டு தசாப்தங்களுக்கு முன்னர் நெதர்லாந்தில் உள்ள பிரெஞ்சு தூதரகத்தை முற்றுகையிட்டதற்காக ஆறு ஆண்டுகளுக்குப் பிறகு சிறைத்தண்டனை விதிக்கப்பட்டார்.
அவர் ஜப்பானில் மீண்டும் தோன்றுவதற்கு முன்பு சுமார் 30 ஆண்டுகள் மத்திய கிழக்கில் தலைமறைவாக வாழ்ந்தார்.
ஷிகெனோபுவின் மகள் மே, பாலஸ்தீன விடுதலை அமைப்பான பொப்புலர் ஃப்ரண்ட் (PFLP) போராளிதெ் தந்தைக்கு 1973 இல் பிறந்தார், சமூக ஊடகங்களில் தனது தாயின் விடுதலையைப் பாராட்டினார்.
மூன்று செம்படை போராளிகள் பிரெஞ்சு தூதரகத்திற்குள் நுழைந்து, தூதரையும் மற்ற 10 ஊழியர்களையும் 100 மணிநேரம் பணயக் கைதிகளாக வைத்திருந்த முற்றுகையில் ஷிகெனோபு தனக்கு தொடர்பில்லையென மறுத்தார்.
இரண்டு போலீஸ் அதிகாரிகள் சுடப்பட்டு பலத்த காயம் அடைந்தனர். சிரியாவிற்கு ஒரு விமானத்தில் பணயக்கைதிகள் கொண்டு செல்லப்பட்டனர். செம்படை கொரில்லாவை சிறையில் இருந்து விடுவிப்பதன் மூலம் பிரான்ஸ் மோதலை முடிவுக்கு கொண்டு வந்தது.
ஷிகெனோபு தனிப்பட்ட முறையில் தாக்குதலில் பங்கேற்கவில்லை, ஆனால் அவர் PFLP உடன் நடவடிக்கையை ஒருங்கிணைத்ததாக நீதிமன்றம் கூறியது.
இரண்டாம் உலகப்போருக்குப் பிந்தைய டோக்கியோவில் வறுமையில் பிறந்த ஷிகெனோபு, ஜப்பானின் தோல்விக்குப் பிறகு மளிகைக் கடைக்காரரான இரண்டாம் உலகப் போரின் மேஜரின் மகள் ஆவார்.
அவர் 20 வயதில் டோக்கியோ பல்கலைக்கழகத்தில் உள்ளிருப்புப் போராட்டத்தில் ஈடுபட்டபோது தற்செயலாக மத்திய கிழக்கு தீவிரவாதத்திற்கான அவரது ஆர்வம் தொடங்கியது.
ஜப்பான் 1960கள் மற்றும் 70களில் வியட்நாம் போரை எதிர்த்தும், அமெரிக்க இராணுவத்தை அந்நாட்டில் நிலைநிறுத்த ஜப்பானிய அரசாங்கத்தின் திட்டங்களுக்கும் எதிர்ப்புத் தெரிவிக்கும் வகையில் பல்கலைகழகங்களில் போராட்டங்கள் நடந்தன.
ஷிகெனோபு விரைவில் இடதுசாரி இயக்கத்தில் ஈடுபட்டார் மற்றும் 25 வயதில் ஜப்பானை விட்டு வெளியேற முடிவு செய்தார்.
அவர் ஏப்ரல் 2001 இல் சிறையில் இருந்து செம்படை கலைக்கப்படுவதை அறிவித்தார். 2008 இல் பெருங்குடல் மற்றும் குடல் புற்றுநோயால் கண்டறியப்பட்டது, பல அறுவை சிகிச்சைகளுக்கு உட்பட்டார்.
ஷிகெனோபு சனிக்கிழமையன்று தனது சிகிச்சையில் முதலில் கவனம் செலுத்துவதாகக் கூறினார், மேலும் அவரது பலவீனமான நிலையைக் கருத்தில் கொண்டு “சமூகத்திற்கு பங்களிக்க” முடியாது என்று விளக்கினார்.
ஆனால் அவர் செய்தியாளர்களிடம் கூறினார்: “நான் (எனது கடந்த காலத்தை) தொடர்ந்து சிந்திக்க விரும்புகிறேன், மேலும் மேலும் ஆர்வத்துடன் வாழ விரும்புகிறேன்.”
2017 இல் ஜப்பான் டைம்ஸ் நிருபருக்கு எழுதிய கடிதத்தில், தனது குழு அதன் நோக்கங்களில் தோல்வியடைந்ததை ஒப்புக்கொண்டார்.
“எங்கள் நம்பிக்கைகள் நிறைவேறவில்லை, அது ஒரு அசிங்கமாf முடிவுக்கு வந்தது,” என்று அவர் எழுதினார்.
