நிதியமைச்சர் இல்லாதது தற்போதைய நிர்வாகத்தின் மற்றொரு “சாதனை” என்று ஐக்கிய மக்கள் சக்தி சுட்டிக்காட்டியுள்ளது.
நாடாளுமன்றத்தில் உரையாற்றிய நாடாளுமன்ற உறுப்பினர் ஹெக்டர் அப்புஹாமி,
பசில் ராஜபக்ச நிதியமைச்சர் பதவியை இராஜினாமா செய்ததையடுத்து, அலி சப்ரி நிதி அமைச்சராக நியமிக்கப்பட்டார். அமைச்சர் சப்ரி தனது ராஜினாமாவை கையளிப்பதற்கு முன் 24 மணி நேரமும் பதவியில் இருக்கவில்லை என்றார்.
பாராளுமன்ற உறுப்பினர் பந்துல குணவர்தன இந்த பணியை பொறுப்பேற்க உள்ளதாக வதந்திகள் பரவிய நிலையில், அவரிடம் வினவிய போது, தமக்கு அந்த பதவி தேவையில்லை என அவர் தெரிவித்தார்.
எந்தவொருவரும் அமைச்சுப் பதவிகளை ஏற்க விரும்பவில்லை என பாராளுமன்ற உறுப்பினர் அப்புஹாமி தெரிவித்துள்ளார்.
நிதியமைச்சரோ, திறைசேரியின் செயலாளரோ, மத்திய வங்கியின் ஆளுநரோ இல்லாத ஒரு நாட்டில் எரிபொருள், மின்சாரம், பால் மா போன்ற தேவைகளை அன்னிய செலாவணி நெருக்கடியை எவ்வாறு தீர்க்க முடியும் என நாடாளுமன்ற உறுப்பினர் ஹெக்டர் அப்புஹாமி கேள்வி எழுப்பியுள்ளார். .
