சமூக ஊடங்களை அரசாங்கம் தடைசெய்துள்ள நிலையில், VPN மூலம் சமூக ஊடகத்தை செயற்படுத்துவதாக அமைச்சர் நாமல் ராஜபக்ச பதிவிட்டு பரபரப்பை ஏற்படுத்தியுள்ளார்.
அரசாங்கத்திற்கு எதிரான போராட்டங்கள் நாடு முழுவதும் தீவிரமடைந்துள்ள நிலையில், அதனை கட்டுப்படுத்த அரசாங்கம் அவசரகால சட்டத்தை பிறப்பித்தது. பின்னர் ஊரடங்கு சட்டத்தை அறிவித்தது. நள்ளிரவு முதல் சமூக ஊடகங்களை தடைசெய்துள்ளது.
எனினும், VPN ஊடாக சமூக ஊடகத்தை செயற்படுத்த முடியும். அதனை கட்டுப்படுத்த முடியாது. அரசின் தடையை மீறி இலங்கை சமூக ஊடக பரப்பு VPN மூலம் ஓரளவு இயங்கியே வருகிறது.
இந்த நிலையில், அமைச்சர் நாமல் இன்று ருவிற்றரில் பதிவிட்டுள்ளார்.
‘சமூக ஊடகங்களை முடக்குவதை நான் ஒருபோதும் மன்னிக்க மாட்டேன். VPN இன் கிடைக்கும் தன்மை, நான் இப்போது பயன்படுத்துவதைப் போலவே, அத்தகைய தடைகளை முற்றிலும் பயனற்றதாக ஆக்குகிறது. அதிகாரிகள் இன்னும் முற்போக்காக சிந்தித்து இந்த முடிவை மறுபரிசீலனை செய்ய வேண்டும் என்று கேட்டுக்கொள்கிறேன்’ என பதிவிட்டுள்ளார்.
I will never condone the blocking of social media. The availability of VPN, just like I’m using now, makes such bans completely useless. I urge the authorities to think more progressively and reconsider this decision. #SocialMediaBanLK #SriLanka #lka
— Namal Rajapaksa (@RajapaksaNamal) April 3, 2022
