நீர்கொழும்பு, வத்தளை மற்றும் ஜா-எல பிரதேசங்களில் முத்துராஜவெல சதுப்பு நிலத்தின் 3,000 ஏக்கர் காணியை வர்த்தமானி அறிவித்தல் மூலம் சுவீகரிப்பதற்கு நகர அபிவிருத்தி அதிகார சபை எடுத்த தீர்மானத்தை இரத்து செய்யுமாறு கோரி கொழும்பு பேராயர் மல்கம் கர்தினால் ரஞ்சித், உயர் நீதிமன்றில் ரிட் மனு தாக்கல் செய்துள்ளார்.
பிரதமர் மஹிந்த ராஜபக்ஷ, நகர அபிவிருத்தி இராஜாங்க அமைச்சர் நாலக கொடஹேவா, சுற்றாடல் அமைச்சர் மஹிந்த அமரவீர, நகர அபிவிருத்தி அதிகார சபையின் தலைவர், மத்திய சுற்றாடல் அதிகார சபை, வத்தளை, நீர்கொழும்பு மற்றும் ஜா-எல பிரதேச செயலாளர்கள் பிரதிவாதிகளாக குறிப்பிடப்பட்டுள்ளனர்.
ஒக்டோபர் 07 ஆம் திகதி வெளியிடப்பட்ட வர்த்தமானி அறிவித்தலில் முத்துராஜவெல சதுப்பு நிலத்திற்கு சொந்தமான 3000 ஏக்கருக்கும் அதிகமான காணிகளை சுவீகரிக்க நகர அபிவிருத்தி அதிகார சபை தீர்மானித்துள்ளனர்.
இதனால் அப்பகுதியில் வசிக்கும் மக்களின் வாழ்வாதாரம் கடுமையாக பாதிக்கப்படுவதுடன் அவர்களின் குடியிருப்பும் கடும் சவாலுக்கு உள்ளாகும் என கர்தினால் தனது மனுவில் தெரிவித்துள்ளார்.
இதன்படி, நகர அபிவிருத்தி அதிகாரசபையின் கீழ் குறித்த காணியை சுவீகரிப்பது தொடர்பில் எடுக்கப்பட்ட தீர்மானம் அடங்கிய வர்த்தமானி அறிவித்தலை செல்லுபடியாகாத ரிட் உத்தரவை பிறப்பிக்குமாறு கர்தினால் உயர் நீதிமன்றத்திடம் கோரிக்கை விடுத்தார்.
