திருமணமான ஒரு மாதத்திற்குப் பிறகு தனது மனைவியை மேக்கப் இல்லாமல் பார்த்து அதிர்ச்சியடைந்த கணவன், விவாகரத்து கோரி குடும்ப நீதிமன்றத்தில் வழக்குத் தாக்கல் செய்துள்ளார்.
இந்த சம்பவம் எகிப்தில் நடந்துள்ளது.
திருமணத்திற்கு மறுநாள் காலையில் தனது மனைவியின் முகத்தை ஒப்பனை இல்லாமல் பார்த்து அதிர்ச்சியடைந்ததாக அந்த நபர் கூறினார்.
“திருமணத்திற்கு முன்பு கனமான மேக்கப் போட்டதால் நான் அவளால் ஏமாற்றப்பட்டேன். அவள் மேக்கப் இல்லாமல் அசிங்கமாக இருக்கிறாள்,” என்று அவர் நீதிமன்றத்தில் கூறினார்.
இந்த ஜோடி பேஸ்புக் மூலம் காதலில் வீழ்ந்தது.
‘பேஸ்புக் மூலம் அவளை எனக்குத் தெரியும், அங்கு அவள் முழு மேக்கப் அணிந்து நிறைய அழகான படங்களை இடுகையிடுவாள், அதன் பிறகு அவளை பலமுறை சந்தித்து அவளை திருமணம் செய்து கொள்ள முடிவு செய்தேன். ஆனால் திருமணத்திற்குப் பிறகு நான் அவளுடைய உண்மையான முகத்தை ஒப்பனை இல்லாமல் பார்த்தேன்’ என பீதியுடன் கூறினார்.
“நான் அதிர்ச்சியடைந்தேன் … திருமணத்திற்கு முன்பு நான் பலமுறை சந்தித்த நபரைப் போல் அவள் தோற்றமளிக்கவில்லை” என்று அவர் நீதிமன்றத்தில் தெரிவித்தார்.
‘நான் அவளது படங்களை பேஸ்புக்கில் பார்த்தேன், அவள் மேக்கப் போடாதபோது முற்றிலும் வித்தியாசமாகத் தெரிகிறாள். நான் ஏமாற்றப்பட்டேன், அவளை விவாகரத்து செய்ய விரும்புகிறேன்’ என தெரிவித்தார்.
