28.3 C
Jaffna
June 21, 2024
உலகம்

ஐரோப்பிய நாடாளுமன்ற தேர்தல் முடிவு எதிரொலி: பிரான்சில் திடீர் பொதுத்தேர்தல் அறிவிப்பு!

ஐரோப்பிய நாடாளுமன்றத் தேர்தல்களில் தீவிர வலதுசாரிகளிடம் தோல்வியடைந்த பின்னர் ஜனாதிபதி இம்மானுவேல் மக்ரோன் திடீரென நாடாளுமன்ற தேர்தலை அறிவித்திருக்கிறார்.

மக்ரோனின் அதிர்ச்சி முடிவு அவரது அரசியல் எதிர்காலத்தை பணயம் வைப்பதாகும். இந்த தேர்தலில் மரைன் லு பென்னின் தீவிர வலதுசாரி தேசிய பேரணி (RN) பெரும்பான்மையை பெற்றால், மக்ரோனின் எஞ்சியுள்ள 3 வருட ஜனாதிபதி பதவிக்காலத்தில் பெரும் நெருக்கடியை சந்திப்பார்.

தேர்தல் இம்மாதம் 30ஆம் திகதியும் அடுத்த மாதம் 7ஆம் திகதியும் இரண்டு கட்டங்களாக நடைபெறும்.

ஐரோப்பிய நாடாளுமன்றத்துக்கான தேர்தலில் அவரது கட்சி 15 வீத வாக்குகளோடு படுதோல்வியடைந்ததை தொடர்ந்து, மக்ரோன் நாட்டில் பொதுத்தேர்தலை அறிவித்திருக்கிறார்.

ஐரோப்பிய ஒன்றியத்தைச் சேர்ந்த 27 நாடுகளும் 720 நாடாளுமன்ற உறுப்பினர்களைத் தேர்ந்தெடுக்க கடந்த நான்கு நாள்களாக வாக்களித்தன.

பல நாடுகளில் தீவிர வலதுசாரிகளின் கரம் வலுத்திருக்கிறது.

28 வயதான ஜோர்டான் பார்டெல்லா தலைமையில், தீவிர வலதுசாரி தேசிய பேரணி சுமார் 32 சதவீத வாக்குகளை வென்றது, மக்ரோனின் கட்சிக்கு 15 சதவீத வாக்குகளே கிடைத்தது. சோசலிஸ்டுகள் 14 சதவீத வாக்குகளை பெற்றனர்.

ஜெர்மன் பிரதமர் ஒலாஃப் ஷோல்ஸும் தோல்வியைத் தழுவினார். இருந்தாலும், அவர் உடனடியாக தேர்தலை அறிவிக்க வேண்டிய அவசியமில்லையென்றார்.

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

புடின் வியட்நாம் விஜயம்: அமெரிக்கா எரிச்சல்!

Pagetamil

ஹவுதிகளின் தாக்குதலில் மற்றொரு கப்பல் மூழ்கியது!

Pagetamil

கடும் வெப்பத்தால் 550 ஹஜ் யாத்தரீகர்கள் உயிரிழப்பு!

Pagetamil

அமெரிக்க நகைக்கடையில் முகமூடிக் கொள்ளையர்கள் துணிகரத் திருட்டு (சிசிரிவி வீடியோ)

Pagetamil

ஹவுதிகளின் ஏவுகணை தாக்குதலில் சரக்கு கப்பல் மூழ்கியது!

Pagetamil

Leave a Comment