ஜேர்மனியில் புதிய சட்டத்தின் கீழ் வாகனம் ஓட்டும்போது கஞ்சா புகைக்க அனுமதிக்கப்படுவார்கள் என்று டைம்ஸ் வெள்ளிக்கிழமை (ஜூன் 8) தெரிவித்துள்ளது. வாகன ஓட்டிகள் குறிப்பிட்ட இடங்களில் தாங்கள் விரும்பும் அளவுக்கு வேகமாக வாகனம் ஓட்டுவது மட்டுமின்றி, சட்டப்பூர்வமாக, சில பப்ஸ்களில் கஞ்சா உட்கொண்ட பின்னர், வாகனம் செலுத்த முடியும் என்று அறிக்கை கூறுகிறது.
Bundestag (ஜெர்மனியின் கூட்டாட்சி பாராளுமன்றம்) ஏப்ரல் 1 முதல் கஞ்சா நுகர்வு மற்றும் உற்பத்தியை ஓரளவு சட்டப்பூர்வமாக்கியது. இப்போது, வீதியில் வாகனம் செலுத்துபவர்கள் குறைந்த அளவு கஞ்சாவை உட்கொள்ள அனுமதிக்கும் சட்டத்தில் திருத்தத்தை Bundestag ஆதரித்தது.
ஒரு மில்லிலிட்டர் இரத்தத்திற்கு, கஞ்சாவில் உள்ள போதைப்பொருளான டெட்ராஹைட்ரோகன்னாபினோல் (THC) 3.5 நானோகிராம்கள் என சட்டம் நிர்ணயித்துள்ளது. வாகனம் ஓட்டும் போது இந்த வரம்பை மீறுபவர்கள் 540 டொலர் அபராதம் செலுத்துவதுடன், ஒரு மாதத்திற்கு வாகனம் ஓட்ட தடை விதிக்கப்படும்.
கஞ்சாவை உட்கொண்டிருந்தால், வாகனம் ஓட்டுபவர்கள் மது அருந்துவதையும் சட்டம் தடைசெய்கிறது. இரண்டையும் உட்கொண்ட ஒருவர் வாகனம் செலுத்தினால் 1,080 டொலர் அபராதம் விதிக்கப்படும்.
புதிய ஓட்டுநர்கள் – 21 வயதிற்குட்பட்டவர்கள் அல்லது இரண்டு வருடங்களுக்கும் குறைவான ஓட்டுநர் உரிமத்தை வைத்திருப்பவர்கள் – கஞ்சா உட்கொள்வது தடைசெய்யப்பட்டுள்ளது என்று டைம்ஸ் அறிக்கை மேலும் கூறியது.
எதிர்க்கட்சியான CDU அரசாங்கத்தின் நடவடிக்கையை ஜெர்மனியில் “போக்குவரத்து பாதுகாப்பிற்கான கருப்பு நாள்” என்று அழைத்தது.
வீதிகளில் மதுபானம் மற்றும் கஞ்சா நுகர்வோரை சமமாக நடத்த வேண்டும் என்ற அரசாங்கத்தின் வாதத்தையும் அது நிராகரித்தது.
