26.9 C
Jaffna
April 24, 2024
விளையாட்டு

குஜராத்தை வீழ்த்தி 2வது வெற்றியை பதிவு செய்தது சிஎஸ்கே!

நடப்பு ஐபிஎல் சீசனின் 7வது லீக் போட்டியில் குஜராத் டைட்டன்ஸ் அணியை 63 ரன்களில் வீழ்த்தியுள்ளது ருதுராஜ் கெய்க்வாட் தலைமையிலான சென்னை சூப்பர் கிங்ஸ் அணி.

சென்னை – சேப்பாக்கம் மைதானத்தில் நடைபெற்ற இந்தப் போட்டியில் ரொஸ் வென்ற குஜராத் அணி பந்துவீச்சை தேர்வு செய்தது. சென்னை அணி முதலில் துடப்பெடுத்தாடி 20 ஓவர்களில் 6 விக்கெட்கள் இழப்புக்கு 206 ரன்கள் எடுத்தது. ரச்சின் ரவீந்திரா 20 பந்துகளில் 46 ரன்கள் எடுத்து ஆட்டமிழந்தார். கப்டன் ருதுராஜ் 46 ரன்கள் எடுத்து வெளியேறினார்.

ஷிவம் துபே, 23 பந்துகளில் 51 ரன்கள் எடுத்தார். 6 பந்துகளில் 14 ரன்கள் எடுத்து அசத்தினார் சமீர் ரிஸ்வி. மிட்செல் 24 ரன்கள் எடுத்து இறுதிவரை களத்தில் இருந்தார். குஜராத் அணி சார்பில் ரஷித் 2 விக்கெட் கைப்பற்றி இருந்தார். சாய் கிஷோர், ஸ்பென்சர் ஜோன்சன், மோகித் சர்மா ஆகியோர் தலா ஒரு விக்கெட் வீழ்த்தினர்.

207 ரன்கள் எடுத்தால் வெற்றி என்ற இலக்கை குஜராத் விரட்டியது. கப்டன் கில் 8 ரன்களில் ஆட்டமிழந்தார். அதன் பிறகு சீரான இடைவெளியில் குஜராத் அணி பேட்ஸ்மேன்கள் ஆட்டமிழந்தனர். சாஹா, விஜய் ஷங்கர், மில்லர், சாய் சுதர்ஷன், ஓமர்ஸாய், ரஷித், தெவாட்டியா ஆகியோர் ஆட்டமிழந்தனர். இதில் அதிகபட்சமாக சாய் சுதர்ஷன் 37 ரன்கள் எடுத்திருந்தார்.

20 ஓவர்களில் 8 விக்கெட்கள் இழப்புக்கு 143 ரன்கள் எடுத்தது. அதன் மூலம் 63 ரன்கள் வித்தியாசத்தில் சென்னை அணி வெற்றி பெற்றது. நடப்பு சீசனில் 2 போட்டிகளில் விளையாடி அந்த இரண்டிலும் வெற்றி பெற்றுள்ளது சிஎஸ்கே. தீபக் சஹர், முஸ்தபிசுர் ரஹ்மான், துஷார் தேஷ்பாண்டே ஆகியோர் தலா 2 விக்கெட்களை இந்தப் போட்டியில் கைப்பற்றி இருந்தனர். மிட்செல் மற்றும் பத்திரன தலா ஒரு விக்கெட் வீழ்த்தி இருந்தனர். ஷிவம் துபே ஆட்ட நாயகனாக அறிவிக்கப்பட்டார்.

போட்டியின் இரண்டாவது இன்னிங்ஸின் 7.3-வது ஓவரில் மிட்செல் வீசிய ஓவரில் ஆட்டமிழந்தார் விஜய் ஷங்கர். மிட்செல் வீசிய பந்து எட்ஜ் ஆக விக்கெட் கீப்பர் பணியை கவனித்த தோனி, தனது வலது பக்கம் சுமார் 2 மீட்டர் தூரம் டைவ் அடித்து பந்தை பிடித்து அசத்தி இருந்தார். அப்போது சேப்பாக்கம் மைதானத்தில் குழுமியிருந்த ரசிகர்கள் உற்சாக ஒலி எழுப்பி இருந்தனர்.

நடந்து முடிந்த இரண்டு போட்டிகளிலும் தோனி பேட் செய்யவில்லை. இருந்தும் விக்கெட் கீப்பிங் பணி சார்ந்த அவரது செயல்பாடு அபாரமாக அமைந்துள்ளது குறிப்பிடத்தக்கது.

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

மகளிர் ஒருநாள் போட்டி துடுப்பாட்ட தரவரிசையில் சாமரி அத்தப்பத்து முதலிடம்!

Pagetamil

மகளிர் கிரிக்கெட்டில் 300+ ஓட்டங்களை விரட்டியடித்த முதல் அணியானது இலங்கை!

Pagetamil

‘எனக்கு பதில் வேறு வீரரை செலக்ட் பண்ணுங்க’ – டுபிளெசியிடம் மேக்ஸ்வெல் வெளிப்படை!

Pagetamil

ஐபிஎல் போட்டிகளில் அதிக ஓட்டம்: பெங்களூரை புரட்டிப் போட்டது சன்ரைசஸ்!

Pagetamil

பத்திரன அபாரம்: மும்பையை வீழ்த்தியது சென்னை!

Pagetamil

Leave a Comment