26.2 C
Jaffna
February 22, 2024
உலகம் முக்கியச் செய்திகள்

‘அமெரிக்காவுடனான போருக்கு அஞ்சவில்லை’: ஈரான் புரட்சிகர காவலர் படை தளபதி!

ஈரானுக்கு எதிரான அமெரிக்காவின் அச்சுறுத்தல்களுக்கு பதிலளிக்கமாட்டோம். ஆனால் அமெரிக்காவுடனான நேரடி இராணுவ மோதலுக்கு ஈரான் பயப்படவில்லை என்று அந்த நாட்டின் இஸ்லாமிய புரட்சிகர காவலர் படையின் தலைமை தளபதி புதன்கிழமை கூறினார்.

“இந்த நாட்களில், அமெரிக்க அதிகாரிகளிடமிருந்து சில அச்சுறுத்தல்களை நாங்கள் கேட்கிறோம், நாங்கள் கூறுகிறோம் … நாங்கள் எந்த அச்சுறுத்தலுக்கும் பதிலளிக்கவில்லை, நாங்கள் போரை நாட மாட்டோம், ஆனால் நாங்கள் போருக்கு பயப்பட மாட்டோம்,” என்று இஸ்லாமிய புரட்சிகர காவலர் படையின் தலைவர் ஹொசைன் சலாமி கூறியதாக அரசு ஊடகம் கூறியது.

ஜோர்டானில் மூன்று அமெரிக்க துருப்புக்களைக் கொன்ற ட்ரோன் தாக்குதலுக்கு ஈரானை குற்றம்சாட்டி, அமெரிக்க ஜனாதிபதி ஜோ பிடனின் கருத்துக்களைத் தொடர்ந்து, சலாமியின் கருத்துக்கள் வெளியாகியுள்ளன.

தாக்குதலை நடத்தியவர்களுக்கு ஆயுதங்களை வழங்கியதற்கு ஈரான் தான் பொறுப்பு என்று பிடன் கூறினார். “தீவிரமான ஈரான் ஆதரவு போராளிக் குழுக்களால்” இந்தத் தாக்குதல் நடத்தப்பட்டது என்று அவர் முன்பு கூறியிருந்தார்.

ஜோர்டானில் நடந்த ஆளில்லா விமானத் தாக்குதலில் எந்தத் தொடர்பும் இல்லை என்று ஈரான் மறுத்துள்ளது.

கடந்த ஒக்டோபரில் அமெரிக்க நட்பு நாடான இஸ்ரேல் மற்றும் ஈரான் ஆதரவு பாலஸ்தீனிய போராளிக் குழுவான ஹமாஸ் போர் வெடித்ததில் இருந்து மத்திய கிழக்கில் பதட்டங்கள் அதிகரித்துள்ளன. அதற்குப் பிறகு, ஈராக் மற்றும் சிரியாவில் உள்ள அமெரிக்கப் படைகள் ஈரான் ஆதரவு போராளிகளால் 165 தடவைகளுக்கு மேல் தாக்கப்பட்டுள்ளன.

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

கொக்குத்தொடுவாய் மனிதப்புதைகுழி எச்சங்கள் 1994- 1996 காலத்துக்குரியவை: தமிழ்பக்கத்தின் தகவல் நீதிமன்றத்தில் உறுதியானது!

Pagetamil

இஸ்ரேலின் இனஅழிப்புக்கு அமெரிக்கா பச்சை விளக்கா?: போர்நிறுத்த தீர்மானத்தை வீட்டோ செய்தது!

Pagetamil

அமெரிக்காவில் மருத்துவ ஆராய்ச்சிக்காக 200 ஏக்கரில் 30 ஆயிரம் குரங்குகளுக்கு மினி நகரம்

Pagetamil

கிளிநொச்சியில் காணாமல் ஆக்கப்பட்டவர்களின் உறவுகள் போராட்டம்: பௌத்த பிக்குவும் பற்கேற்பு!

Pagetamil

பிரபல நீலப்பட நடிகை தற்கொலை!

Pagetamil

Leave a Comment

error: Alert: Content is protected !!