கம்பளை வலய கல்வி அலுவலக ஊழியர் ஒருவர் மலசலகூடத்தில் சடலமாக மீட்கப்பட்டுள்ளார்.
அந்த அலுவலகத்தில் அலுவலக உதவியாளராகப் பணியாற்றிய ஒருவரின் சடலமே கண்டெடுக்கப்பட்டது.
இரண்டு பிள்ளைகளின் தந்தையான இவர், கம்பளை, ரத்மல்கடுவ பகுதியைச் சேர்ந்த 44 வயதுடையவர்.
குறித்த நபர் நேற்று (13) கடமைக்காக அலுவலகத்திற்கு வந்ததாகவும், காலை 10.00 மணியளவில் அலுவலகத்தில் காணவில்லை எனவும் தெரிவிக்கப்படுகிறது.
பின்னர், இது குறித்து விசாரணை நடத்தியும், அவரது அலைபேசிக்கு வந்த அழைப்புகளுக்கு எந்த பதிலும் அளிக்கப்படவில்லை.
பின்னர் அந்த அலுவலக ஊழியர்கள் அவரைத் தேடத் தொடங்கினர், மாலை 4.00 மணியளவில் அலுவலகத்தின் கழிப்பறையை சோதனை செய்தபோது, அந்த நபர் இறந்து கிடந்ததைக் கண்டனர்.
இது தொடர்பில் பொலிஸாருக்கு அறிவிக்கப்பட்டதுடன், கம்பளை மரண விசாரணை அதிகாரி நளின் ஏ. மதிவாக்க சம்பவ இடத்திற்கு வந்து விசாரணைகளை மேற்கொண்டு சடலத்தை கம்பளை வைத்தியசாலைக்கு அனுப்பி வைத்தனர்.
பிரேத பரிசோதனை இன்று (14ம் தேதி) நடைபெறும் என தெரிவிக்கப்பட்டுள்ளது.
