2023 ஐசிசி கிரிக்கெட் உலகக் கோப்பையில் பாடசாலை அணியின் தரத்தில் ஆடி ஏமாற்றமளித்த இலங்கை கிரிக்கெட் அணி, 2025 ஐசிசி சாம்பியன்ஸ் தொடரில் ஆடும் தகுதியை இழந்துள்ளது.
உலகக்கோப்பை தொடரில், லீக் ஆட்டங்களில் ஒன்பது போட்டிகளில் இரண்டு வெற்றிகளை மட்டுமே பெற்று குழுநிலையில் ஒன்பதாவது இடத்தைப் பிடித்தது, இலங்கை. உலகக்கோப்பை லீக் சுற்றில் முதல் 8 இடங்களை பிடிக்கும் அணிகள் சாம்பியன்ஸ் டிராபிக்கு தானாகவே தகுதி பெறும். இலங்கை அந்த வாய்ப்பை இழந்தது.
இரண்டு ஆண்டுகளுக்கு ஒருமுறை நடைபெறும் சாம்பியன்ஸ் தொடரில், உலகின் முதல் எட்டு ஒருநாள் தரவரிசையிலுள்ள நாடுகள் போட்டியிடுகின்றன.
எதிர்வரும் 2025 ஆம் ஆண்டு பாகிஸ்தானால் சாம்பியன்ஸ் தொடர் நடத்தப்படும்.
2025 ஐசிசி சாம்பியன்ஸ் தொடரில், அவுஸ்திரேலியா, இங்கிலாந்து, இந்தியா, நியூசிலாந்து, பாகிஸ்தான், தென்னாபிரிக்கா, வங்காளதேசம் மற்றும் ஆப்கானிஸ்தான் ஆகிய எட்டு அணிகள் இடம்பெறும்.
இந்த அணிகள் 2023 ஐசிசி கிரிக்கெட் உலகக் கோப்பையின் முதல் எட்டு இடங்களைப் பிடித்ததன் மூலம் போட்டியில் தங்கள் இடங்களைப் பெற்றன.
