நசீர் அஹமட்டின் வெற்றிடத்திற்காக நாடாளுமன்ற உறுப்பினராக நியமிக்கப்பட்ட அலி சாஹிர் மௌலானா இன்று (17) காலை சபாநாயகர் மஹிந்த யாப்பா அபேவர்தன முன்னிலையில் பதவிப்பிரமாணம் செய்துகொண்டார்.
அலி சாஹிர் மௌலானா சத்தியப்பிரமாணம் செய்து கொண்ட பின்னர் ஆளும் கட்சி மற்றும் எதிர்கட்சி உறுப்பினர்களின் வாழ்த்துக்களுக்கு மத்தியில் எதிரணியின் பின்வரிசை ஆசனத்தில் அமர்ந்தார்.
நீதிமன்ற உத்தரவின்படி நசீர் அஹமட்டின் நாடாளுமன்ற உறுப்பினர் பதவி அண்மையில் நீக்கப்பட்டது. இதன்படி ஸ்ரீலங்கா முஸ்லிம் காங்கிரஸின் மட்டக்களப்பு மாவட்டப் பட்டியலில் அடுத்த வேட்பாளராக களமிறங்கிய அலி சாஹிர் மௌலானாவை அந்த வெற்றிடத்திற்கு நியமிக்க தேர்தல்கள் ஆணைக்குழு தீர்மானித்தது.
What’s your Reaction?
+1
+1
+1
+1
+1
+1
+1
