யாழ்ப்பாணம் மன்னார், ஊர்காவற்றுறை மற்றும் கச்சத்தீவு கடற்பரப்பில் அத்துமீறி மீன்பிடித்த 27 இந்திய பிரஜைகளை கைது செய்த இலங்கை கடற்படையினர், 5 இந்திய இழுவை படகுகளை கைப்பற்றியுள்ளனர்.
மன்னார் கடற்பரப்பிற்கு அப்பால் இலங்கை கடற்பரப்பிற்குள் நுழைந்த 15 இந்திய மீனவர்களுடன் இரண்டு இழுவை படகுகளை கடற்படை யினர் கைது செய்தனர்.
மேலும், ஊர்காவற்றுறை மற்றும் கச்சத்தீவுக்கு அருகில் அத்துமீறி மீன்பிடியில் ஈடுபட்டிருந்த 12 இந்திய மீனவர்களுடன் மூன்று இழுவை படகுகளையும் வடக்கு கடற்படையினர் கைப்பற்றியுள்ளனர்.
இந்திய மீனவர்களும் அவர்களது மீன்பிடி இழுவை படகுகளும் தலைமன்னார் துறைமுகம் மற்றும் காங்கேசன்துறை துறைமுகத்திற்கு கொண்டு வரப்பட்டன. அவர்கள் தலைமன்னார் மற்றும் யாழ்ப்பாணம் கடற்றொழில் பரிசோதகர்களிடம் மேலதிக சட்ட நடவடிக்கைகளுக்காக ஒப்படைக்கப்படவுள்ளனர்.
What’s your Reaction?
+1
+1
+1
+1
+1
+1
+1
