சிங்கப்பூரிலுள்ள நட்சத்திர விடுதியொன்றில் தனது மனைவியை வெட்டிக் கொன்ற இலங்கையர் ஒருவர், பொலிஸ் நிலையத்துக்கு சென்று சரணடைந்துள்ளார்.
கத்தோங்கில் உள்ள Holiday Inn Express ஹொட்டலில் இந்த கொலைச்சம்பவம் நடந்தது.
இஷான் தாரக கொட்டகே (30) என்பவர், தனது மனைவி தியவின்னகே செவ்வந்தி மதுகா குமாரியை (32) செப்டம்பர் 9 ஆம் திகதி காலை 10.45 மணி முதல் மாலை 4.42 மணிக்கு இடைப்பட்ட நேரத்தில்,கொலை செய்ததாக குற்றம் சாட்டப்பட்டார்.
இன்று (11) கணவர் நீதிமன்றத்தில் முற்படுத்தப்பட்டு, குற்றப்பத்திரிகை கையளிக்கப்பட்டது. கொலை எப்படி செய்யப்பட்டது என்று குற்றப்பத்திரிகையில் குறிப்பிடப்படவில்லை.
கொலைக் குற்றம்சாட்டப்பட்ட இலங்கையர், நீதிமன்றத்தில் வீடியோ வழியாக முற்படுத்தப்பட்டார்.
விசாரணை, காட்சி மறுபரிசீலனை மற்றும் காட்சிப் பொருட்களை மீட்டெடுப்பதற்காக அவரை வெளியே அழைத்துச் செல்ல அனுமதியுடன் அவரை ஒரு வாரம் காவலில் வைக்க அரசுத் தரப்பு விண்ணப்பித்தது.
குற்றம் சாட்டப்பட்டவர் மொழிபெயர்ப்பாளர் மூலம் இலங்கை உயர்ஸ்தானிகராலயத்தில் சட்டத்தரணி ஒருவரை ஈடுபடுத்துவதற்கு பேசுமாறு கோரியதோடு, தமக்கு சட்டத்தரணி ஒருவரை வழங்குமாறு அரசிடம் கோரினார்.
அவர் செப்டம்பர் 18ஆம் திகதி மீண்டும் நீதிமன்றத்திற்கு வருவார்.
குற்றம் சாட்டப்பட்டவர் சனிக்கிழமை மாலை 5.05 மணியளவில் மரைன் பரேட் அருகிலுள்ள காவல் நிலையத்திற்குச் சென்று, ஹோட்டலில் தனது மனைவியைக் கொன்றதாக காவல்துறை அதிகாரிகளுக்குத் தெரிவித்தார். இதையடுத்து அவர் கைது செய்யப்பட்டார்.
32 வயதுடைய பெண், பொலிசார் வந்தபோது ஹோட்டல் அறையில் வெட்டுக் காயத்துடன் அசையாமல் கிடந்தார். அவர் சம்பவ இடத்திலேயே இறந்துவிட்டாள்.
சம்பவத்திற்கு பயன்படுத்தப்பட்டதாக நம்பப்படும் கத்தி ஒன்று ஹோட்டல் அறையில் இருந்து மீட்கப்பட்டுள்ளது.
குற்றம் நிரூபிக்கப்பட்டால், அவர் மரண தண்டனையை எதிர்கொள்கிறார்.
