இலங்கையில் மனித உரிமை மீறல்களில் ஈடுபட்டதாக குற்றம் சாட்டப்பட்டுள்ள 10 இலங்கையர்கள் பற்றிய தகவல்களை தருமாறு பல்வேறு நாடுகளின் அரச அதிகாரிகள் ஐ.நா மனித உரிமைகள் அலுவலகத்தை அணுகியுள்ளனர்.
ஐக்கிய நாடுகளின் பிரதி மனித உரிமைகள் ஆணையாளர்நடா அல் நசீவ் இதனை தெரிவித்துள்ளார்.
ஐ.நா மனித உரிமைகள் பேரவையின் 54வது கூட்டத் தொடரில் இதனை தெரிவித்தார்.
பொறுப்புக்கூறல் திட்டம் ஒன்று மனித உரிமைகள் பேரவை அலுவலகத்தால் ஸ்தாபிக்கப்பட்டதாகக் குறிப்பிட்டார்.
தொடர்புடைய தகவல்கள் மற்றும் ஆதாரங்களை ஒருங்கிணைத்தல், பகுப்பாய்வு செய்தல் மற்றும் பாதுகாத்தல் மற்றும் தகுதியான அதிகார வரம்பில் உள்ள உறுப்பு நாடுகளில் உள்ளவை உட்பட தொடர்புடைய நீதித்துறை மற்றும் பிற நடவடிக்கைகளுக்கு ஆதரவை வழங்குதல் இதன் பணியென்றார்.
இன்றுவரை பெயரிடப்பட்ட 10 நபர்கள் உட்பட, தகுதிவாய்ந்த அரச அதிகாரிகளிடமிருந்து கோரிக்கைகள் தொடர்ந்து அதிகரித்து வருவதாக ஐ.நா மனித உரிமைகள் பேரவையில் அவர் இன்று தெரிவித்தார்.
“தகவல் மற்றும் ஆதாரங்களின் களஞ்சியத்தை உருவாக்குவதிலும், மேலும் விசாரணைகளுக்கான அடையாளம் காணப்பட்ட இடைவெளிகள் மற்றும் முன்னுரிமைகளின் அடிப்படையிலும் இந்தத் திட்டம் குறிப்பிடத்தக்க முன்னேற்றத்தை அடைந்துள்ளது. இது பாதிக்கப்பட்டவர்களின் பிரதிநிதிகள் உட்பட சிவில் சமூகத்துடன் தீவிரமாக ஈடுபட்டுள்ளது, ”என்று அவர் இன்று ஜெனீவாவில் அதன் 54 வது அமர்வைத் தொடங்கியபோது சபையில் கூறினார்.
இலங்கையின் நிகழ்காலத்தையும் எதிர்காலத்தையும் பாதுகாப்பதில் பொறுப்புக்கூறல் முக்கியமானது என பிரதி உயர்ஸ்தானிகர் தெரிவித்தார்.
“கடந்த கால மீறல்களை அங்கீகரிப்பதும் நம்பகமான பொறுப்புக்கூறல் நடவடிக்கைகளை மேற்கொள்வதும் இலங்கை அதிகாரிகளின் கடமையாக இருக்கும் அதே வேளையில், இந்த சபையும் உறுப்பு நாடுகளும் பொறுப்புக்கூறலை முன்னெடுப்பதில் முக்கியமான மற்றும் நிரப்பு பாத்திரத்தை வகிக்க முடியும்,” என்று அவர் மேலும் கூறினார்.
நல்லிணக்கம் மற்றும் பொறுப்புக்கூறல் மற்றும் மனித உரிமைகளை முழுமையாக அனுபவிப்பதில் இலங்கை அரசாங்கத்திற்கும் மக்களுக்கும் ஆதரவளிக்க தனது அலுவலகம் தொடர்ந்தும் அர்ப்பணிப்புடன் இருப்பதாக பிரதி உயர்ஸ்தானிகர் தெரிவித்தார்.
பொருளாதார நெருக்கடி, பொருளாதார மற்றும் கட்டமைப்பு சீர்திருத்தக் கொள்கைகளைச் சுற்றியுள்ள பதட்டங்கள் மற்றும் உள்ளாட்சித் தேர்தல்கள் தாமதம் ஆகியவை தொடர்ந்து எதிர்ப்புகளை எழுப்புகின்றன என்றும் அவர் குறிப்பிட்டார். இராணுவ நிலைகளை விரிவுபடுத்துவதற்கும், இந்து அல்லது முஸ்லீம் இடங்களில் பௌத்த பாரம்பரியத்தை பாதுகாப்பதற்கும், வனத்துறை பாதுகாப்பிற்காகவும் வடக்கு மற்றும் கிழக்கில் நிலம் கையகப்படுத்துவது பதட்டத்தை அதிகரித்துள்ளது.
“ஆர்ப்பாட்டங்களின் போது கண்ணீர்ப்புகை மற்றும் நீர் தாரை பிரயோகத்தை தவறாகப் பயன்படுத்துதல், எதிர்ப்பாளர்கள் மற்றும் ஊடகப் பணியாளர்களை பாதிக்கும் சம்பவங்கள் தொடர்பான தகவல்களை எங்கள் அலுவலகம் தொடர்ந்து பெறுகிறது. பாதிக்கப்பட்டவர்கள் தங்கள் அன்புக்குரியவர்களை நினைவுகூருவதற்கான முயற்சிகளும் தடுக்கப்பட்டுள்ளன, ”என்று அவர் கூறினார்.
எதிர்ப்பு தெரிவிப்பதற்கான உரிமையை கட்டுப்படுத்தும் நடவடிக்கைகள் நாட்டில் மேலும் பதற்றத்தையே உருவாக்கும் என பிரதி உயர்ஸ்தானிகர் தெரிவித்தார்.
