அவுஸ்திரேலியாவில் யுவதியொருவரை பாலியல் வன்கொடுமைக்குள்ளாக்கிய குற்றச்சாட்டு சுமத்தப்பட்டுள்ள இலங்கை கிரிக்கெட் வீரர் தனுஷ்க குணதிலகவின் பிணை நிபந்தனைகள் சில தளர்த்தப்பட்டுள்ளன.
அவர் தற்போது வட்ஸ்அப் பயன்படுத்த அனுமதிக்கப்பட்டுள்ளார்.
தனுஷ்க குணதிலக, கடந்த ஆண்டு நவம்பர் 2ஆம் திகதியன்று, அனுமதியின்றி உடலுறவு கொண்டதாக நான்கு குற்றச்சாட்டுகளை எதிர்கொள்கிறார். இன்று சிட்னியின் டவுனிங் சென்டர் உள்ளூர் நீதிமன்றத்தில் முற்படுத்தப்பட்டார்.
தனுஷ்க குணதிலகவின் சட்டத்தரணி எம்மா சல்லிவன், இரண்டு பிணை நிபந்தனைகளை மாற்ற விண்ணப்பித்தார்.
முதலில், குணதிலக்க வாட்ஸ்அப்பைப் பயன்படுத்த அனுமதி கோரினார். அதை அதற்கு மாஜிஸ்திரேட் ஜெனிபர் அட்கின்சன் அனுமதித்தார்.
டேட்டிங்கை எளிதாக்கவோ அல்லது ஏற்பாடு செய்யவோ இந்த செயலி பயன்படுத்தப்படக் கூடாது என்று நீதிமன்றம் கேட்டுள்ளது. டேட்டிங் ஆப்ஸ் அல்லது சமூக ஊடகங்கள் எதையும் பயன்படுத்த அவருக்கு இன்னும் அனுமதி இல்லை.
பின்னர், இரவு நேரத்தில நடமாட அனுமதி கோரி சல்லிவன் நீதிமன்றத்திடம் விண்ணப்பித்தார்.
அரசதரப்பு சட்டத்தரணி ஜார்ஜ் ரிக்சன் இதை எதிர்த்தார், மேலும் “ஆபத்துக்களைத் தணிக்க” இது இருக்க வேண்டும் என்று நீதிமன்றத்தில் கூறினார்.
“குற்றம் சாட்டப்பட்டவரின் ஆக்ரோஷமான பாலியல் நடத்தை கவலை அளிக்கிறது,” என்று அவர் கூறினார்.
ரிக்சன், இரவில் அதே வகையான குற்றச் செயல்கள் நடைபெறுவதற்கு “அதிக வாய்ப்புகள்” இருப்பதாக வாதிட்டார்.
மாஜிஸ்திரேட் அட்கின்சன் கூறப்படும் குற்றத்தைப் பற்றி “தனித்துவமான எதுவும் இல்லை” என்றும், நாளின் எந்த நேரத்திலும் நிகழலாம் எனவும் குறிப்பிட்டார்.
குணதிலக வெளியில் இரவு நேரத்தில் நடமாடினாலோ, தங்கினாரோ மற்றவர்களால் அடையாளம் காண முடியும். அதனால் அவர் மீதான இரவு நேர நடமாட்ட தடை இனி தேவையில்லையென நீதிபதி குறிப்பிட்டார்.
எனினும், அரச சட்டத்தரணி ரிக்சன் நீதவானுடன் உடன்படவில்லை என்று கூறினார், குணதிலக “சமூகத்தில் உடனடியாக அடையாளம் காணப்பட வேண்டிய அவசியமில்லை” என்று கூறினார்.
ரிக்சன் தனது வாடிக்கையாளர் நன்கு அறியப்படவில்லை என்று கூறியதை தான் “ஏற்றுக்கொள்ளவில்லை” என்று சல்லிவன் கூறினார்.
“இந்த நடவடிக்கைகளை ஊடகங்கள் தொடர்ந்து பிரசுரிக்கின்றன. அவர் சர்வதேச அளவில் அறியப்பட்டவர்,” என்று அவர் நீதிமன்றத்தில் கூறினார்.
உயர் பதவியில் இருந்தாலும் இல்லாவிட்டாலும் அனைவருக்கும் ஒரே மாதிரியான நடத்தப்பட அளிக்கப்பட வேண்டும் என்று மாஜிஸ்திரேட் நீதிமன்றத்தில் கூறினார்.
குணதிலகவிற்கு விதிக்கப்பட்ட இரவுநேர நடமாட்ட தடையை நீதிபதி விலக்கினார்.
கடந்த ஆண்டு ரி20 உலகக் கோப்பைக்காக சிட்னியில் இருந்தபோது, டிண்டர் செயலி மூலம் யுவதியொருவருடன் அறிமுகமான குணதில, நவம்பர் 2ஆம் திகதி அவரை சந்தித்தார்.
சிட்னியின் கிழக்கு புறநகரில் உள்ள பெண்ணின் வீட்டிற்கு இரவு 11 மணியளவில் செல்வதற்கு முன்பு அவர்கள் நகரத்தில் மது அருந்தினர்.
பின்னர் வீட்டுக்கு சென்று, உடலுறவு கொண்டனர். அப்போது ஆணுறை அணியுமாறு யுவதி கூறியதை குணதிலக மறுத்தார். பின்னர் வற்புறுத்தலால் ஏற்றுக்கொண்டார். உடலுறவின் இடையில் யுவதி அறியாமல் ஆணுறையை அகற்றி விட்டார். அத்துடன், யுவதியின் விருப்பத்திற்கு மாறாக தனது ஆணுறுப்பை யுவதியின் வாய்க்குள் திணித்து மூச்சுத்திணறடித்தார்.
அந்த பெண் “அதிர்ச்சியில்” இருந்ததாகவும், ஆணுறை இல்லாமல் உடலுறவுக்கு சம்மதிக்கவில்லை என்றும் போலீசார் குற்றம் சாட்டுகின்றனர். அவர் மீண்டும் ஒரு ஆணுறை பயன்படுத்துமாறு அவரிடம் கேட்டார், ஆனால் அவர் மறுத்துவிட்டார், அதற்கு பதிலாக வலுக்கட்டாயமாக பாலியல் செயல்களில் ஈடுபட்டார் என்று போலீஸ் கூற்றுக்கள் தெரிவிக்கின்றன.
அவர் பெண்ணின் வீட்டில் தங்கியிருந்த சில மணிநேரங்களில், அந்தப் பெண்ணை பலமுறை கழுத்தை நெரித்து, அவளது பிட்டத்தில் அறைந்ததாகக் கூறப்படுகிறது.
நள்ளிரவு 1 மணிக்கு முன்பு அவர் யுவதியின் வீட்டை விட்டு வெளியேறினார்.
