பாகிஸ்தானில் இன்று ஞாயிற்றுக்கிழமை காலை பேருந்து ஒன்று பள்ளத்தில் விழுந்து விபத்திற்குள்ளானதில் 41 பேர் உயிரிழந்தனர்.
பலுசிஸ்தானின் லாஸ்பேலாவில் இந்த விபத்து நடந்தது.
ஏறக்குறைய 48 பயணிகளுடன் அந்த வாகனம் குவெட்டாவிலிருந்து கராச்சிக்கு சென்று கொண்டிருந்தது.
“அதிவேகத்தின் காரணமாக, லாஸ்பேலா அருகே யு-டர்ன் எடுக்கும் போது ஒரு பாலத்தின் தூணில் பெட்டி மோதியது. வாகனம் பின்னர் ஒரு பள்ளத்தில் சிக்கி பின்னர் தீப்பிடித்தது,” என்று லாஸ்பேலா உதவி காவல் ஆணையாளர் ஹம்சிம் அஞ்சும் கூறினார்.
ஒரு குழந்தை மற்றும் ஒரு பெண் உட்பட மூன்று பேர் உயிருடன் மீட்கப்பட்டு லாஸ்பேலாவில் உள்ள சிவில் மருத்துவமனைக்கு மாற்றப்பட்டதாக அஞ்சும் மேலும் கூறினார். எனினும், படுகாயமடைந்த ஒருவர் மருத்துவமனைக்கு கொண்டு செல்லும் வழியில் உயிரிழந்தார்.
சடலங்கள் கராச்சியில் உள்ள எதி பிணவறைக்கு மாற்றப்பட்டுள்ளதாக அதிகாரி தெரிவித்தார்.
விபத்துக்குள்ளான பேருந்தில் இருந்து மீட்கப்பட்ட சடலங்கள் அடையாளம் காண முடியாத நிலையில் உள்ளதாகவும், இறந்தவர்களை அடையாளம் காண டிஎன்ஏ பரிசோதனை செய்யப்படும் என்றும் அவர் கூறினார்.
பாகிஸ்தானின் மோசமான நெடுஞ்சாலைகள், தளர்வான பாதுகாப்பு நடவடிக்கைகள் மற்றும் பொறுப்பற்ற வாகனம் ஓட்டுதல் காரணமாக அதிகமான விபத்துக்கள் நிகழ்கின்றன.
உலக சுகாதார அமைப்பின் மதிப்பீட்டின்படி, 2018ஆம் ஆண்டில் பாகிஸ்தானின் சாலைகளில் 27,000க்கும் அதிகமானோர் கொல்லப்பட்டுள்ளனர்.
