24.9 C
Jaffna
January 29, 2023
குற்றம்

யாழில் காலாவதியான பொருட்களை விற்ற 12 வர்த்தகர்களிற்கு ரூ.3 இலட்சம் தண்டம்!

யாழ் மாநகரசபை எல்லைக்குட்பட்ட பகுதிகளில் காலாவதியான பொருட்கள் வைத்திருந்த 12 பலசரக்கு கடை உரிமையாளர்களுக்கு 305,000 ரூபா தண்டம் விதிக்கப்பட்டுள்ளது.

யாழ். மாநகரசபை எல்லைக்குட்பட்ட பொது சுகாதார பரிசோதகர் பிரிவுகளில் பொது சுகாதார பரிசோதகர்கள் உணவகங்கள், பலசரக்கு கடைகள் என்பனவற்றை பரிசோதித்து வருகின்றனர்.

இதன் ஒரு பகுதியாக கடந்தமாதம் யாழ்நகர், குருநகர், வண்ணார்பண்ணை பொது சுகாதார பரிசோதகர் பிரிவுகளில் பொது சுகாதார பரிசோதகர்கள் குழு, பலசரக்கு கடைகளில் திடீர் பரிசோதனை மேற்கொண்டது.

இதன்போது யாழ். நகர் பகுதியில் 06 பலசரக்கு கடைகளிலும் குருநகர் பகுதியில் 05 பலசரக்கு கடைகளும் வண்ணார் பண்ணை பகுதியில் ஓர் கடையும், திகதி காலாவதியான பொருட்களை விற்பனைக்கு வைத்திருந்த நிலையில் அதன் உரிமையாளர்கள் பொது சுகாதார பரிசோதகர்களிடம் சிக்கினர்.

திகதி காலாவதியான பொருட்களை கைப்பற்றிய பொது சுகாதார பரிசோதகர்கள், கடை உரிமையாளர்களுக்கு எதிராக மேலதிக நீதவான் நீதிமன்றில் கடந்த 14.11.2022ம் திகதி வழக்கு தாக்கல் செய்தனர். இன்றையதினம்  அவ்வழக்குகள் நீதிமன்றில் விசாரணைக்கு எடுத்து கொள்ளப்பட்டது.

இதன் போது கடை உரிமையாளர்கள் 12 பேரும் குற்றங்களை ஏற்று கொண்டதையடுத்து கடை மொத்தமாக 305,000/= தண்டப்பணமாக செலுத்துமாறும், திகதி காலாவதியான பொருட்களை அழிக்குமாறும் உத்தரவிட்டார்.

What’s your Reaction?
+1
0
+1
0
+1
0
+1
0
+1
0
+1
0
+1
0

இதையும் படியுங்கள்

வாள்களுடன் புகுந்து கொள்ளையடித்த 4 பேர் கைது

Pagetamil

தம்பதியினர் கொலை!

Pagetamil

பரந்தனில் இ.போ.சவை வழிமறித்து தனியார்துறையினர் அட்டகாசம்!

Pagetamil

கல்லுண்டாயில் வாள்வெட்டு பிரதான சந்தேக நபர் கைது!

Pagetamil

15 வயது மகளை வயோதிபர்களிற்கு விருந்தாக்கிய தாய்: 84 வயது முதியவர் உள்ளிட்ட 5 பேர் கைது!

Pagetamil

Leave a Comment

error: Alert: Content is protected !!