பத்தரமுல்லை, பொல்துவ சந்தியில் பொலிஸாரிடம் இருந்து திருடப்பட்ட கண்ணீர் புகைக்குண்டு ஒன்றை 1000 ரூபாவிற்கு விற்பனை செய்வதற்காக எடுத்து வந்த சமையல்காரர் ஒருவர் கைது செய்யப்பட்டுள்ளதாக மேல் மாகாண தென் குற்றப்பிரிவு தெரிவித்துள்ளது.
கடந்த 13ஆம் திகதி பொது ஒழுங்கு முகாமைத்துவ பிரிவினர் பொல்துவ சந்தியில் ஆர்ப்பாட்டத்தை கட்டுப்படுத்த முச்சக்கர வண்டியில் கண்ணீர் புகை குண்டுகள் மற்றும் தோட்டாக்களை ஏற்றிச் சென்ற போது,அவர்கள் மீது, கைது செய்யப்பட்ட சந்தேகநபர் உட்பட பெரும் கும்பல் தாக்குதல் நடத்தியது. முச்சக்கர வண்டியிலிருந்த கண்ணீர்ப் புகைக்குண்டுகள் திருடப்பட்டன.
அங்கு 385 கண்ணீர் புகை குண்டுகள் மற்றும் குண்டுகள் திருடப்பட்டன
அப்போது, சந்தேகநபரான சமையல்காரர், கண்ணீர் புகைக்குண்டு ஒன்றை திருடி, தான் பணிபுரியும் பத்தரமுல்லையில் உள்ள உணவகத்தில் மறைத்து வைத்தார்.
இன்று (29) மின்வாரிய சந்தியில் உள்ள மாளிகாவ வீதி தோட்டத்திற்குச் சென்று விற்பனை செய்ய முடியாமல் திரும்பிக் கொண்டிருந்த போதே கைது செய்யப்பட்டதாக பொலிஸ் அதிகாரி ஒருவர் தெரிவித்தார்.
அதே முச்சக்கர வண்டியில் பயணித்த பொலிஸ் உத்தியோகத்தர்களை தாக்கிய சம்பவத்திலும், பதின்மூன்றாம் திகதி இராணுவ கெப் மீது தாக்குதல் நடத்தப்பட்ட சம்பவத்திலும் கைது செய்யப்பட்ட சந்தேகநபர் தொடர்புடையவர் என பொலிஸார் தெரிவிக்கின்றனர்.
மாத்தறை பிரதேசத்தை வசிப்பிடமாகக் கொண்ட முப்பது வயதான கைது செய்யப்பட்ட சந்தேக நபர் போதைப்பொருளுக்கு அடிமையானவர்
