28.4 C
Jaffna
October 5, 2022
லைவ் ஸ்டைல்

பிறப்புறுப்பில் உள்ள முடிகளை நீக்குவதால் என்னென்ன பிரச்சினைகள் வரும்?

பெண்கள் கை, கால்களை முடியின்றி பளபளப்பாக வைத்துக் கொள்ள விரும்புவது போலவே அந்தரங்கப் பகுதிகளில் உள்ள முடிகளையும் நீக்க விரும்புகிறார்கள். அதற்கு சரியான முறை எது? முடியை நீக்குவதால் உண்டாகும் பக்க விளைவுகள் என்ன என்பது பற்றி தெரிந்து கொள்வோம்.

அந்தரங்கப் பகுதியில் உள்ள முடிகளை நீக்குவதால் ஏற்படும் அபாயத்தை பெண்கள் புரிந்து கொள்ள வேண்டும்.

60 சதவிகித பெண்களுக்கு அந்தரங்க முடி அகற்றுதலால் எபிடெர்மல் சிராய்ப்பு, தோலில் கண்ணுக்கு தெரியாத வெட்டுகள் ஆகியவை ஏற்படுகின்றன. இதனால் சரும எரிச்சல், தொற்று நோய்கள், பாலுறவு மூலம் பரவக் கூடிய நோய்கள் போன்றவை அதிகமாக பரவ வாய்ப்பு உள்ளது.

மேலும் இதுபற்றி தெரிந்து கொள்ள வேண்டிய விஷயங்கள் பற்றி இங்கே பார்க்கலாம்.

​முடிகள் இருந்தால்

பிறப்புறுப்பு பகுதியில் இயற்கையாகவே எண்ணெயைச் சுரக்க செய்து சருமத்தை காக்கிறது. அதிகமாக முடி இருக்கும்போது, பிறப்புறுப்பில் மருக்கள், பாக்டீரியா தொற்றுகள் ஏற்படுவது குறைவு.

பிறப்புறுப்பில் முடி அதிகமாக இருந்தால் பெரோமோன்ஸின் ஹார்மோன் சுரப்பு அதிகரிக்கும். இது ஒருவகையில் பாலியல் ஈர்ப்பை அதிகப்படுத்தும். பாலுறவு சம்பந்தமான எஸ்டிஐ நோய்கள் வராமல் தடுக்கிறது

சரும பாதிப்புகள்

அந்தரங்க பகுதியில் உள்ள முடிகளை நீக்கும் போது அந்த பகுதியில் வெட்டுகள், காயங்கள் ஏற்படலாம். இந்த புண்களின் வழியாக அல்லது மயிர்க்கால்கள் வழியாக பாக்டீரியாக்கள் உள் நுழைய வாய்ப்புள்ளது.

அதன்மூலம் இனப்பெருக்க பகுதியில் தொற்றுக்கள் ஏற்படவும் வாய்ப்புள்ளது. அதேபோல அந்தரங்கப் பகுதியில் மிகவும் கூர்மையான ரேசர்களைப் பயன்படுத்துவதன் மூலம் சருமத் தடிப்புகளும் காயங்களும் ஏற்பட வாய்ப்புண்டு. அதனால் மிகவும் சென்சிடிவ்வான பகுதியான அந்தரங்கப் பகுதியில் புண்கள், எரிச்சல் ஆகியவை ஏற்பட வாய்ப்புண்டு

ஷேவிங் முறை

நிறைய பெண்கள் ரேசர் பயன்படுத்த பயந்து கொண்டு, வேக்ஸிங் ஸ்ட்ரிப்பை பயன்படுத்தி, அந்தரங்கப் பகுதியிலுள்ள முடிகளை நீக்குவார்கள். ஆனால் அப்படி வேக்ஸிங் முறையைப் பயன்படுத்தும்போது, பிறப்புறுப்பைச் சுற்றியுள்ள முடிகள் முழுதாக நீக்கப்படுவதில்லை.

அதனால் ரேசர் பயன்படுத்தி முடியை நீக்குவதையே சரும நிபுணர்கள் பரிந்துரைக்கிறார்கள். ரேசர் வாக்ஸ் ஸ்ட்ரிப் போல மேலோட்டமாகச் செயல்படுவது இல்லை. சருமத்தின் ஆழம் வரை சென்று நீக்குகிறது. அதனால் அடுத்து முடி வளர நீண்ட நாட்கள் ஆகும்.

முடிந்தவரை அந்தரங்க முடிகளை நீக்காமல் இருப்பது நல்லது. அப்படி நீக்கியே ஆக வேண்டுமென்றாவ் அதற்கு ஷேவிங் முறையைப் பின்பற்றுவது தான் ஓரளவுக்கு நல்லது.

க்ரீம்கள் பயன்படுத்தலாமா?

வேக்சிங் ஸ்ட்ரிப் பயன்படுத்தும் போதும் ஷேவிங் ரேசரைப் பயன்படுத்தி பிறப்புறுப்பு முடிகளை நீக்கும்போது சருமத்தில் எரிச்சலும் வலியும் உண்டாகும். அதனால் நிறைய பெண்கள் அந்தரங்க முடியை நீக்குவதற்கென்றே விற்கப்படும் ஹேர் ரிமூவல் க்ரீம்களை வாங்கிப் பயன்படுத்துகிறார்கள்.

இது வலியை ஏற்படுத்தாது தான். ஆனால் இதில் நிறைய கெமிக்கல்கள் சேர்க்கப்படுகின்றன. இந்த க்ரீம்கள் சருமத் துளைகளுக்குள் சென்று ஊடுருவி, முடியின் வேர்க்கால்களை பலமிழக்கச் செய்து பின் உதிர்கின்றன.

அப்போது அதற்கு எவ்வளவு கடினமான ரசாயனச் சேர்க்கை தேவைப்படும் என்பதை நீங்களே யோசித்துப் பாருங்கள். அந்த ரசாயனங்கள் தோலின் உட்பகுதியிலும் செல்லும்.

அவற்றின் மூலமாகவும் சருமப் பிரச்சினைகள் வர அதிக வாய்ப்பிருக்கிறது. முடிந்தவரை தவிர்க்கலாம். இல்லையேல் ரசாயனங்கள் குறைந்த க்ரீம்களைத் தேர்வு செய்து வாங்கிப் பயன்படுத்த வேண்டும்.

​எஸ்டிடி போன்றவை பரவாமல் தடுக்க

பாலுறவு கொள்ளும் சமயங்களில் ஆண், பெண் இருவரிடமிருந்து ஒருவருக்கொருவர் பாக்டீரியாக்களும் பரவும் வாய்ப்பு அதிகம். அவை மிக எளிதாகப் பிறப்புறுப்புக்குள் நுழையும் அபாயம் உண்டு.

அந்தரங்கப் பகுதிகளில் முடி அவை அந்த சமயங்களில் உண்டாகும் அதிகப்படியான ஈரப்பதத்தை உறிஞ்சி உலர்வாக வைத்திருக்கவும் கிருமிகள் உள் நுழையாமல் பார்த்துக் கொள்ளவும் உதவும்.

ஆனால் முடியை நீக்குவதால் சரும சவ்வுகள் பாதிப்படைவதோடு, பூஞ்சைத் தொற்றுக்கள் ஏற்படவும் வழிவகுக்கிறது.

ட்ரிம்மிங்

பெண்களில் சிலர் அந்தரங்க பகுதியில் உள்ள முடிகளை முற்றிலும் ஷேவ் செய்யாமல் ட்ரிம் மட்டும் செய்து கொள்கிறார்கள். இப்படி செய்வது அவர்களுக்கு அழகாக வேண்டுமானால் தோன்றலாம். ஆனால் சில நாட்களில் முடி வளர ஆரம்பித்ததும் அதன் வேகமும் நீளமும் அதிகமாக இருக்கும்.

ட்ரிம்மிங் செய்து கொண்டபின் முழுமையாக முடிகள் நீக்கப்படாததால், தொடை போன்ற மற்ற சருமப் பகுதிகளில் உராய்வுகளை ஏற்படுத்தும். சரும அரிப்பு போன்றவை ஏற்படலாம்.

ட்ரிம்மிங் செய்யும்போது மனதில் வைத்துக் கொள்ள வேண்டிய மற்றொரு விஷயம் ட்ரிம்மரை கவனமாகப் பயன்படுத்துவது. ஏனெனில் பிறப்புறுப்பு பகுதி மிகவும் மென்மையான, சென்சிடிவ்வான பகுதியாக இருக்கும். அந்த இடத்தில் கூர்மையான ட்ரிம்மரைப் பயன்படுத்தும்போது காயங்கள் ஏற்பட வாய்ப்பு அதிகம். அதனால் கவனமாகப் பயன்படுத்த வேண்டும்.

​உடல் பருமன் பிரச்சினை உள்ளவர்கள்

உடல் பருமனான பெண்கள் அந்தரங்க உறுப்பிலுள்ள முடிகளை நீக்கும்போது அவை முழுமையாக நீங்குவதில்லை. ஏனெனின் அடி வயிற்றுப் பகுதியிலுள்ள அதிக சதையின் காரணமாகவும் பிறப்புறுப்பின் மேல் பகுதியும் கொழுப்புத் திசுக்களால் உப்பி இருப்பதால், அந்த பகுதிகளில் உள்ள முடிகள் முழுவதுமாக நீங்காது.

அதேசமயம் மற்ற இடங்களில் க்ரீம், வாக்ஸிங் ஆகியவற்றைப் பயன்படுத்துகிற போது, அந்த இடமும் அதிகமான ஈரப்பதத்துடன் இருக்கும். இதனால் அந்த பகுதிகளில் பாக்டீரியாக்கள் சீக்கிரமாக பெருகி, பாக்டீரியா தொற்றுக்களை உண்டாக்கும்.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

குழந்தைக்கு ஒரு மாதம்.. அம்மாக்கள் தெரிஞ்சுக்க வேண்டியது என்னென்ன?

divya divya

மேக்கப் இல்லாமலே க்யூட்டாக இருக்க தேங்காய் பாலை இப்படி யூஸ் பண்ணுங்க!

divya divya

மாதவிடாய் வயிறு வலி, அதிக உதிரபோக்கு இரண்டுக்கும் தீர்வாகும் அருகம்புல் மாதுளை இலை கஷாயம்!

divya divya

Leave a Comment

error: Alert: Content is protected !!