கட்டுப்பாட்டு விலை நீக்கப்பட்ட பிறகு அத்தியாவசிய பொருட்களின் திருத்தப்பட்ட விலைகள் தொடர்பான சிறப்பு வர்த்தமானி அறிவிப்பு இன்று பிற்பகல் வெளியிடப்படும் என்று கூட்டுறவு சேவைகள், சந்தைப்படுத்தல் மேம்பாடு மற்றும் நுகர்வோர் பாதுகாப்பு இராஜாங்க அமைச்சர் லசந்த அழகியவன்ன தெரிவித்துள்ளார்.
இன்று காலை நடைபெற்ற ஊடகவியலாளர் சந்திப்பின் போது பேசிய இராஜாங்க அமைச்சர் அழகியவண்ண, அந்தந்த இறக்குமதியாளர்களுடன் இன்று கலந்துரையாடிய பின்னர் இறுதி முடிவு எட்டப்படும் என்றார்.
சிமெந்து, எரிவாயு, கோதுமை மா மற்றும் பால்மா பவுடர் மீது விதிக்கப்பட்ட கட்டுப்பாட்டு விலையை தளர்த்துவதற்கான முடிவை அரசு நேற்று மாலை எட்டியது.
பேக்கரி உரிமையாளர்கள் ஒரு கிலோ கோதுமை மாவின் விலை ரூ .10 அல்லது அதற்கும் குறைவாக அதிகரித்தால் பேக்கரி பொருட்களின் விலையை அதிகரிப்பதில்லை என்று ஒப்புக்கொண்டதாக இராஜாங்க அமைச்சர் கூறினார்.
சந்தையில் பற்றாக்குறை ஏற்பட்டு, நுகர்வோர் சிரமத்திற்கு ஆளாகாமல் இருப்பதை உறுதி செய்வதற்காகவும் அரசாங்கம் விலை உயர்வை அனுமதிக்கின்றது என்றார்.
