நாட்டை மூடினால் மட்டுமே கொரோனா வைரஸ் பரவலை கட்டுப்படுத்த முடியாது என்று சுகாதார அமைச்சு தெரிவித்துள்ளது.
கொழும்பில் இன்று நடைபெற்ற ஊடகவியலாளர் சந்திப்பின் போது, சுகாதார சேவைகள் துணை பணிப்பாளர் நாயகம் வைத்தியர் ஹேமந்த ஹேரத், பயணக் கட்டுப்பாடுகளை விதிப்பது தொற்று விகிதத்தைக் குறைக்க உதவும் என்றாலும், கொரோனா வைரஸின் எண்ணிக்கையை நிர்வகிக்கக்கூடிய அளவிற்கு குறைக்க பொதுமக்களின் ஆதரவு தேவை என்றார்.
பொதுமக்கள் சுகாதார வழிகாட்டுதல்களை தொடர்ந்து புறக்கணித்தால் முடக்கம் அமுல்ப்படுத்துவது பயனளிக்காது என்று குறிப்பிட்டார். தற்போது அதிக எண்ணிக்கையிலான மக்கள் ஊரடங்கு உத்தரவை புறக்கணித்துள்ளனர் என்பது தெளிவாகிறது என்று அவர் கூறினார்.
பொதுமக்களுக்கு இந்த வைரஸைக் கட்டுப்படுத்த சுகாதார அதிகாரிகளுக்கு உதவுமாறு வேண்டுகோள் விடுத்தார். தனிமைப்படுத்தல் ஊரடங்கு உத்தரவு நீக்கப்படும் போது, பொது இடங்களில், வணிக வளாகங்களில் மற்றும் பொது போக்குவரத்து சேவைகளில் தேவையற்று மக்கள் கூடுவதைத் தடுக்க அதிகாரிகள் நடவடிக்கை எடுக்க வேண்டும் என்றும் அவர் குறிப்பிட்டார்.
இதுபோன்ற நடவடிக்கைகளை எடுக்காமல், உலகம் சுகாதார அவசரநிலையை கையாளும் நேரத்தில் சுகாதார அதிகாரிகள் மற்றும் அவர்களின் நடவடிக்கைகளை விமர்சிப்பது பயனற்றது என்றார்.
கொரோனா நோயாளிகளிற்கு வழங்குவதற்கு போதுமான மருத்துவ ஒட்சிசனை அரசு வைத்திருப்பதாகவும், தேவை அதிகரித்தால் அதிக பங்குகளை வாங்க நடவடிக்கை எடுக்கப்படும் என்றும் கூறினார்.
படுக்கைக்கு அருகில் பயன்படுத்தப்படும் ஒட்சிசன் செறிவூட்டிகள் தேவையை பூர்த்தி செய்ய பல்வேறு உள்ளூர் உற்பத்தியாளர்களிடமிருந்தும் பெறப்படுகின்றன என்று குறிப்பிட்டார்.
