27.5 C
Jaffna
August 7, 2022
முக்கியச் செய்திகள்

இலங்கை தமிழ் அரசு கட்சி பொறுப்புக்களில் இருந்து விலகினார் கட்சித் தலைவர் மாவையின் மகன்: மேலும் பல இளைஞரணியினர் விலகல்!

இலங்கை தமிழ் அரசு கட்சியில் வகித்து வந்த அனைத்து பொறுப்புக்களில் இருந்தும், சே.கலையமுதன் விலகியுள்ளார். இது தொடர்பான கடிதத்தை கட்சி தலைவர், செயலாளர் உள்ளிட்டவர்களிற்கு அவர் அனுப்பி வைத்துள்ளார்.

அவர் தவிர, கட்சியின் இளைஞர் அணி முக்கியஸ்தர்கள் சிலரும் கட்சி பொறுப்புக்களில் இருந்து விலகுவதாக அறிய முடிகிறது. கட்சியின் யாழ் மாவட்ட இளைஞர் அணி பொருளாளர் த.சுதர்சன் தனது விலகல் கடிதத்தை கட்சி தலைமைக்கு அனுப்பி வைத்துள்ளார். அடுத்த சில தினங்களில் இன்னும் சில இளைஞரணி பிரமுகர்கள் தமது விலகல் கடிதத்தை சமர்ப்பிக்கவுள்ளதாக அறிய முடிகிறது.

இலங்கை தமிழ் அரசு கட்சியின் தலைவர் மாவை சோ.சேனாதிராசாவின் மகன் கலையமுதன் கட்சியின் இளைஞரணி இணைப்பாளர், மத்தியகுழு உறுப்பினர் உள்ளிட்ட பொறுப்புக்களில் இருந்து விலகுவதாக  கடிதம் மூலம் கட்சியின் தலைவர், செயலாளர் உள்ளிட்டவர்களிற்கு கடிதம் மூலம் அறிவித்துள்ளார்.

கட்சியின் யாழ் மாவட்ட இளைஞர் அணி பொருளாளர் த.சுதர்சனும் தனது விலகல் கடிதத்தை அனுப்பி வைத்துள்ளார்.

இலங்கை தமிழ் அரசு கட்சியின் தலைமையை குறிவைத்துள்ள சி.சிறிதரன், கலையமுதனின் இருப்பு கட்சிக்குள் தனக்கு நெருக்கடி தரலாமென்பதால், அவர் மீது வாரிசு அரசியல் குற்றச்சாட்டை முன்வைத்து வந்தார். இந்த பிரச்சாரத்தை தொடர்ந்து முன்னெடுத்து வருவதால்,  கட்சிக்குள் அசௌகரியத்தை சந்தித்து வந்தார்.

இதுதவிர, கட்சியின் அண்மைக்கால நடவடிக்கைகளால் அதிருப்தியடைந்த இளைஞர்கள் புதிய வழிகளை நோக்கி செல்லும் வாய்ப்புக்கள் இருப்பதாகவும் தமிழ்பக்கம் அறிகிறது. இதற்கான ஒரு முன்னெடுப்பாகவே, இந்த விலகல்கள் நிகழ்ந்துள்ளதாக கருதப்படுகிறது.

What’s your Reaction?
+1
0
+1
1
+1
0
+1
5
+1
1
+1
1
+1
0

Related posts

பிரதமராக ரணிலுக்கு மட்டுமல்ல, எனக்கும் மக்கள் ஆணை இல்லை: நான் எம்.பியாகினேன்; ரணிலுக்கு அதுவுமில்லை: அனுரகுமார பதிலடி!

Pagetamil

பாகிஸ்தான் புதிய பிரதமராக ஷெபாஸ் ஷெரீப் தேர்வு: இம்ரான் கட்சி எம்.பி.க்கள் கூண்டோடு ராஜினாமா

Pagetamil

இலங்கை கிரிக்கெட் இயக்குனராக ரொம் மூடி!

Pagetamil

Leave a Comment

error: Alert: Content is protected !!