27.8 C
Jaffna
October 1, 2022
மருத்துவம் லைவ் ஸ்டைல்

கர்ப்பகாலத்தில் முந்திரி பருப்புகள் ஆரோக்கியமானதா!

கர்ப்பகாலத்தில் பெண்கள் உணவில் கட்டுப்பாடுகளை கடைப்பிடிக்க வேண்டும். உணவில் என்னவெல்லாம் சேர்க்க வேண்டும் என்பதில் எச்சரிக்கையாக இருக்க வேண்டும்.

கர்ப்பகாலத்தில் உணவில் அதிக கவனமாக இருக்க வேண்டும். பாதுகாப்பான உணவாக மட்டுமே எடுக்க வேண்டும். குறிப்பாக கர்ப்பிணிக்கும் வயிற்றில் வளரும் கருவுக்கும் ஆரோக்கியமானதாக இருக்க வேண்டும். கர்ப்பகாலத்தில் நட்ஸ் வகைகள் ஆரோக்கியமானவை என்பார்கள் அந்த வகையில் முந்திரி பருப்புகள் ஆரோக்கியமானதா என்று பார்க்கலாம்..

கர்ப்பகாலத்தில் முந்திரி

கர்ப்பிணி பெண்கள் முந்திரி பருப்புகள் எடுத்துகொள்வது பாதுகாப்பானது. கர்ப்பகால உணவில் சிறந்த சிற்றுண்டி என்று முந்திரி எடுத்துகொள்ளலாம். உண்மையில் இது பாதுகப்பானது. அதிலும் கர்ப்பிணிக்கு ஒவ்வாமை இல்லாமல் இருந்தால் முந்திரி பயனளிக்கும்.

முந்திரி வயிற்றில் வளரும் கருவின் வளர்ச்சிக்கு உதவும். இதில் அத்தியாவசிய வைட்டமின்கள் மற்றும் தாதுக்களின் வளமான மூலம். முந்திரி நேரிடையாக எந்தவிதமான இரசாயனங்களையும் பயன்படுத்தாமல் பெறப்படுவதால் இது சிறியதாக இருந்தாலும் ஊட்டச்சத்துக்கள் அதிகமாக கொண்டுள்ளது.

கர்ப்பகாலத்தில் நன்மை பயக்கும் ஸ்க்வாலின், பைட்டோஸ்டெரால்ஸ், டோகோபெரோல்கள் போன்றவை முந்திரியில் உள்ளது.

​நாள் ஒன்றுக்கு எத்தனை முந்திரி வரை சாப்பிடலாம்?

கர்ப்பகாலத்தில் நாள் ஒன்றுக்கு எவ்வளவு வரை சாப்பிடலாம் என்பதை தெரிந்துகொள்வோம். முந்திரி பருப்பில் கலோரிகள் மற்றும் கொழுப்புகள் அதிகமாக உள்ளது. ஆஸ்திரேலிய உணவு வழிகாட்டுதல்களின் படி நாள் ஒன்றுக்கு 30 கிராம் வரை முந்திரி எடுக்கலாம். அதாவது 15 முந்திரி வரை எடுக்கலாம்.

எனினும் முந்திரி சாப்பிடுவதற்கு முன்பு ஒவ்வாமை பரிசோதனை செய்வதன் மூலம் பக்கவிளைவுகளை முன்கூட்டியே அறிந்து தவிர்ப்பது நல்லது.

​என்ன இருக்கு முந்திரியில்

முந்திரி பருப்பை எடுத்துகொள்ளும் அளவை பொறுத்து அதன் ஊட்டச்சத்து மதிப்பிடப்படுகிறது. 100 கிராம் முந்திரி பருப்பில் மெக்னீசியம் 292 மைக்ரோ கிராம், பொட்டாசியம் 660 மில்லி கிராம், பாஸ்பரஸ் 593 மில்லி கிராம், துத்தநாகம் 5. 78 மில்லி கிராம், கால்சியம் 37 மில்லி கிராம், இரும்பு – 6.68 கிராம், ஃபோலேட் 25 மைக்ரோ கிராம், காப்பர் 2.195 மில்லி கிராம், கார்போஹைட்ரேட் 30.19 கிராம், நார்ச்சத்து – 3.3 மில்லி கிராம், புரோட்டின் 18.22 கிராம், கொழுப்பு – 43.85 கிராம் உள்ளது.

​கர்ப்பகாலத்தில் முந்திரி பருப்புகளின் ஆரோக்கிய நன்மைகள்

கர்ப்பகாலத்தில் முந்திரி சாப்பிடுவதன் மூலம் என்ன மாதிரியான நன்மைகளை பெற முடியும் என்று பார்க்கலாம். முந்திரியில் இருக்கும் துத்தநாகம் கருவின் விரைவான உயிரணு வளர்ச்சிக்கு அவசியமான கனிமமாகும் இது கால்சியத்தின் சிறந்த மூலமாகும்.

இது கர்ப்ப காலத்தில் பல் மற்றும் ஈறுகளை வலுப்படுத்த உதவுகிறது. ஃபோலிக் அமிலம் குழந்தைகளில் ஸ்பைனா பிஃபிடா போன்ற பிறப்பு குறைபாடுகளை தடுக்க உதவுகிறது.

முந்திரி கொட்டைகள் இரும்புச்சத்துக்கான நல்ல மூலம் ஆகும். இது சிவப்பு ரத்த அனுக்கள் உற்பத்தியை மேம்படுத்த உதவுகிறது. மேலும் சோர்வு மற்றும் இரத்த சோகைக்கு எதிராக போராடுகிறது.

கர்ப்பத்தில் முந்திரி பருப்பை எடுத்துகொள்வது இரத்தத்தில் குளுக்கோஸ் அளவை பராமரிக்க உதவுகிறது. குறிப்பாக கர்ப்பகாலத்தில் நீரிழிவு வரக்கூடும். இதில் நார்ச்சத்து அதிகம் இருப்பதால் அது மலச்சிக்கலை தடுக்க உதவக்கூடும்.

கர்ப்பிணிகளின் குறைந்த எடை கொண்டவர்களுக்கு (கர்ப்பத்துக்கு முன் 18. 5 க்கு கீழ் பி.எம்.ஐ) கர்ப்பகாலத்தில் சீரான எடையை அதிகரிக்க செய்யலாம். இதில் இருக்கும் கலோரிகள் கொழுப்புகள் நிறைந்தவை. கர்ப்பகாலத்தில் முந்திரி பருப்பை உட்கொள்வது கருவில் உள்ள ஒவ்வாமை அபாயத்தை குறைக்க செய்யும்.

மெக்னீசியம் நிறைந்தவை என்பதால் இது தசைப்பிடிப்பு, தலைவலி மற்றும் ஒற்றைத்தலைவலியை தடுக்கிறது. முந்திரி பருப்புகள் வைட்டமின் கே நல்ல மூலமாகும். இது கர்ப்பிணி பெண்களில் இரத்த உறைதலை ஊக்குவிக்கிறது . புதிதாக பிறக்கும் குழந்தைக்கு ரத்தக்கசிவு நோய் எனப்படும் இரத்தப்போக்கு கோளாறு ஏற்படும் அபாயத்திலிருந்து கருவை தடுப்பது அவசியம்.

இந்த கொட்டைகள் பொட்டாசியம் நிறைந்தவை என்பதால் இது உப்பின் பாதகமான விளைவை நடுநிலையாக்குவதன் மூலம் இரத்த அழுத்த அளவை பராமரிக்க செய்கிறது.

இந்த கொட்டைகள் புரதத்தின் நல்ல மூலம். இது அமினோ அமில உற்பத்தி மற்றும் கர்ப்பகாலத்தில் உடலில் செல் பழுதுபார்க்க உதவுகிறது. முந்திரியை தினசரி அளவில் அதிகமாக எடுத்துகொண்டால் என்ன மாதிரியான விளைவுகள் உண்டாகும் என்பதையும் அறிய வேண்டும்.

​கர்ப்பகாலத்தில் அதிகமாக முந்திரி எடுப்பதால் உண்டாகும் பக்கவிளைவுகள்

முந்திரியை அதிகமாக எடுப்பதால் அதிக எடை உண்டாகலாம். இதில் கார்போஹைட்ரேட் கொழுப்புகள் இருப்பதால் கர்ப்பகாலத்தில் எடை அதிகரிக்க செய்யும். முந்திரியில் உருஷியோல் ஒவ்வாமை எனப்படும் தடயங்களை கொண்டுள்ளது. இது சருமத்தில் அரிப்பு மற்றும் தடிப்பை உண்டாக்கும்.

பித்தப்பை மற்றும் சிறுநீரக கல் பிரச்சனைகள் கொண்டிருப்பவர்கள் கணிசமான முந்திரி அளவு ஆக்சலேட்டுகளை கொண்டுள்ளது. இது பித்தப்பை மற்றும் சிறுநீரக கல் பிரச்சனைகளை ஏற்படுத்தும் திரவங்களில் உறிஞ்சப்படுகிறது.

முந்திரி அதிகமாக எடுக்கும் போது நிறைவுற்ற கொழுப்புகளை கொண்டிருப்பதால் இது இதய பிரச்சனைகளை வழிவகுக்கும்.

முந்திரியில் உப்பு சேர்த்து சாப்பிடுவதால் இரத்த அழுத்தத்தை மோசமாக்கும். இது சோடியம் உட்கொள்ளல் அதிகரிக்க செய்யும். தமனிகள், இதயம் மற்றும் சிறுநீரகங்களுக்கு அழுத்தம் கொடுக்கும். முந்திரி ஒவ்வாமை இருந்தால் நீங்கள் இதிலிருந்து விலகி இருப்பது நல்லது.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

தினமும் பேரீச்சம் பழம் சாப்பிட்டால் இதெல்லாம் நடக்கும்னு உங்களுக்கு தெரியுமா?

divya divya

சரும பிரச்சனை முதல் மூல நோய் பிரச்சனை வரை அனைத்திற்கும் சாப்பிட வேண்டிய பழம் இது!

divya divya

திருமண 10 பொருத்தம் இருந்தும் வாழ்வில் பிரச்னை வருவது ஏன்?

divya divya

Leave a Comment

error: Alert: Content is protected !!