29.1 C
Jaffna
May 11, 2021

சினிமா

பெற்றோரை இழந்த குழந்தைகளுக்கு உதவும் சந்தீப் கிஷன்; வாழ்த்தும் ரசிகர்கள்!

கொரோனா வைரஸால் பெற்றோரை இழந்து தவிக்கும் குழந்தைகளின் உணவு மற்றும் கல்விச் செலவை ஏற்க முன் வந்திருக்கிறார் நடிகர் சந்தீப் கிஷன். அவரை பலரும் பாராட்டியுள்ளனர்.

கொரோனாவின் இரண்டாம் அலையால் இந்தியா மோசமாக பாதிக்கப்பட்டுள்ளது. கொரோனாவால் தினமும் பாதிக்கப்படுவோரின் எண்ணிக்கையை பார்க்கும்போதே பயமாக இருப்பதாக மக்கள் தெரிவித்துள்ளனர். பெட் கிடைக்காமல்,  மக்கள் அல்லாடுகிறார்கள்.

ரெம்டெசிவிர் மருந்து கேட்டு பலரும் சமூக வலைதளங்களில் கெஞ்சுகிறார்கள். கொரோனாவால் பாதிக்கப்பட்டோருக்கு பொது மக்கள் தங்களால் முடிந்த உதவியை செய்து வருகிறார்கள்.

இந்த கொரோனாவால் பல பிள்ளைகள் பெற்றோரை இழந்து தவிக்கிறார்கள். இந்நிலையில் அத்தகைய குழந்தைகளுக்கு உதவ முன் வந்திருக்கிறார் நடிகர் சந்தீப் கிஷன்.

இது குறித்து அவர் சமூக வலைதளத்தில் கூறியிருப்பதாவது,

இந்த சவாலான நேரத்தில் கோவிட்டால் பெற்றோரை இழந்த குழந்தைகள் யாராவது உங்களுக்கு தெரிந்திருந்தால், தயவு செய்து அவர்களின் விபரங்களை கீழே குறிப்பிடப்பட்டுள்ள இமெயில் முகவரிக்கு அனுப்பவும்.

நானும், என் குழுவினரும் எங்களால் முடிந்த அளவுக்கு அது போன்ற குழந்தைகளுக்கு அடுத்த இரண்டு ஆண்டுகளுக்கு உணவு மற்றும் கல்வியை கவனித்துக் கொள்வோம். இது சோதனை நேரம். மனிதர்களாக ஒருவருக்கு ஒருவர் ஆதரவாக இருப்பது தான் மிகவும் முக்கியம். வீட்டில் இருங்கள், பத்திரமாக இருங்கள். உங்களை சுற்றியிருப்பவர்களுக்கு உங்களால் முடிந்த உதவி செய்ய தயவு செய்து முயற்சி செய்யுங்கள்.

குழந்தைகளின் விபரங்களை sundeepkishancovidhelp@gmail.com என்கிற இமெயில் முகவரிக்கு அனுப்பி வைக்கவும் என்றார்.

சந்தீப் கிஷனின் ட்வீட்டை பார்த்த பலரும் அவருக்கு வாழ்த்து தெரிவித்துள்ளனர். இந்நிலையில் இசையமைப்பாளர் தமன் தன் கமெண்ட்டில் கூறியிருப்பதாவது, நானும் உங்களுடன் இருக்கிறேன். அவர்களின் கல்விச் செலவை நான் ஏற்கிறேன். இதில் உங்களுக்கு பார்ட்னர் தேவைப்பட்டால் சொல்லுங்கள் என்றார்.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

அவசியம் என்றால் மட்டுமே வீட்டை விட்டு வெளியே செல்லுங்கள் – மகேஷ் பாபு வேண்டுகோள்

divya divya

விவேக்: முதல் அனுபவம், முதல் நகைச்சுவை (VIDEO)

Pagetamil

மீண்டும் இணையும் கர்ணன் படத்தின் தனுஷ்-மாரி செல்வராஜ் வெற்றிக்கூட்டணி !

divya divya

Leave a Comment