31 C
Jaffna
April 23, 2021

இந்தியா

கொரோனாவினால் உயிரிழந்த பெண்ணின் உறவினர்கள் வைத்தியசாலைக்கு தீ வைத்தனர்!

மராட்டியத்தில் மருத்துவமனையில் உயிரிழந்த கொரோனா நோயாளியான பெண்ணின் உறவினர்கள், மருத்துவமனையின் வரவேற்பு பகுதியை தீ வைத்து கொளுத்தியுள்ளனர்.

மராட்டியத்தின் நாக்பூர் நகரில் உள்ள மருத்துவமனை ஒன்றில் 29 வயதுடைய பெண் ஒருவர் கொரோனா பாதிப்புகளுக்கு சிகிச்சை பெற அனுமதிக்கப்பட்டு உள்ளார். எனினும், சிகிச்சை பலனின்றி அவர் உயிரிழந்து உள்ளார்.

இதனால், அந்த பெண்ணின் கணவர் மற்றும் அவரது நண்பர்கள் முதலில் வைத்தியரிடம் இதுபற்றி வாக்குவாதத்தில் ஈடுபட்டு உள்ளனர். பின்னர் உறவினர்கள் சூழ அந்த மருத்துவமனையின் வரவேற்பு பகுதியை தீ வைத்து கொளுத்தியுள்ளார்.

இதுபற்றி துணை ஆணையாளர் லோகித் கூறும்பொழுது, பெண்ணின் கணவரது உறவினர்களில் ஒருவர் பெட்ரோல் வாங்கி வந்துள்ளார். இதன்பின் ரிசப்சனில் இருந்த மேஜை மீது தீ வைத்துள்ளார்.

உடனடியாக, மருத்துவமனையில் இருந்த ஊழியர்கள் தீயை அணைத்தனர். சி.சி.டி.வி.யில் இந்த காட்சிகள் பதிவாகி இருந்தன. இந்த சம்பவத்துடன் தொடர்புடைய 11 பேரில் 10 பேரை கைது செய்து உள்ளோம் என கூறியுள்ளார்.

அந்த மருத்துவமனையின் அலட்சிய போக்கே பெண்ணின் உயிரிழப்புக்கு காரணம் என அவரது உறவினர்கள் குற்றச்சாட்டு தெரிவித்து உள்ளனர். அதன்பின் பெண்ணின் உடலை தராமல் ரூ.1.5 லட்சம் பணம் கட்ட வேண்டும் என்று கூறியுள்ளனர் என்றும் குற்றச்சாட்டு தெரிவித்து உள்ளனர். இதில், ஏற்பட்ட ஆத்திரத்திலேயே தீ வைப்பு சம்பவம் நடந்துள்ளது என கூறப்படுகிறது.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

இந்தியாவில் இதுவரை இல்லாத கொரோனா பாதிப்பின் புதிய உச்சம்: ஒருநாளில் 2 லட்சத்திற்கும் அதிக தொற்று!

Pagetamil

பெண்ணின் தவறான பாலியல் குற்றச்சாட்டினால் 20 ஆண்டுகள் சிறையில் கழித்த அப்பாவி!

Pagetamil

ஹரித்துவார் நகர கும்பமேளாவில் பங்கேற்ற சுமார் 1000 பேருக்கு கொரோனா தொற்று உறுதி!!

Pagetamil

Leave a Comment

error: Alert: Content is protected !!