28.8 C
Jaffna
October 23, 2021
முக்கியச் செய்திகள்

விமல் பற்றியது அனுமதி பெறாத சிகரெட்: நிறுவனத்திற்கு எதிராக சட்ட நடவடிக்கை!

அண்மையில் அமைச்சர் விமல் வீரவன்சாவால் பிரச்சாரம் செய்யப்பட்ட கறுவாவினால் தயாரிக்கப்பட்ட சிகரெட் நிறுவனத்திற்கு எதிராக சட்ட நடவடிக்கை எடுக்கப்பட உள்ளது.

புதிதாக அறிமுகப்படுத்தப்பட்ட சிகரெட் வர்த்தக நாமத்திற்கு எதிராக சட்ட நடவடிக்கை எடுக்க புகையிலை மற்றும் மதுபானம் தொடர்பான தேசிய அதிகாரசபை நடவடிக்கையெடுக்கவுள்ளது.

தேவையான அரச நிறுவனத்திடம் ஒப்புதல் பெறாமல் சிகரெட்டை வெளியிடுவது சட்டத்தை மீறும் செயலென அந்த அதிகாரசபை தெரிவித்துள்ளது.

கறுவாவினால் தயாரிக்கப்பட்ட சிகரெட்டுக்கு அனுமதி வழங்கவில்லை என்று ஆயுர்வேத திணைக்களமும் சுகாதார அமைச்சும் புகையிலை மற்றும் மதுபானம் தொடர்பான தேசிய அதிகாரசபைக்கு அறிவித்துள்ளன.

இந்த சிகரெட்டை உள்ளூர் சந்தைக்கு உற்பத்தியை விநியோகிக்க முடியாது என்றும் தெரிவிக்கப்பட்டுள்ளது.

சிகரெட்டை வயது வரம்பில்லாமல் குழந்தைகள் பயன்படுத்தினால், பயன்பாட்டைக் கட்டுப்படுத்த எந்த வழியும் இருக்காது என அதிகாரசபை சுட்டிக்காட்டியுள்ளது.

தயாரிப்பு மற்றும் விநியோகத்தைத் தொடங்குவதைத் தவிர்க்குமாறு, சம்பந்தப்பட்ட நிறுவனத்திடம்  எழுத்துப்பூர்வ கோரிக்கையை புகையிலை மற்றும் மதுபானம் தொடர்பான தேசிய அதிகாரசபை அளித்த போதிலும், அதை கணக்கெடுக்காமல் சிகரெட்டுகள் தயாரிக்கப்பட்டுள்ளதாக சுட்டிக்காட்டப்பட்டுள்ளது.

நிறுவனம் இந்த உத்தரவைப் புறக்கணித்ததாகவும், தொடர்ந்து சிகரெட்டை உற்பத்தி செய்வதாகவும், இதுபோன்ற பிற தயாரிப்புகள் உள்ளூர் சந்தையிலும் நுழைய வழி வகுத்துள்ளதாகவும் அதிகாரசபை சுட்டிக்காட்டியுள்ளது.

கறுவா சிகரெட் குறித்து முழுமையான அறிக்கையை வழங்குமாறு ஆயுர்வேத துறை, சுகாதார அமைச்சகம், அறிவுசார் சொத்துத் துறை மற்றும் தொழில்துறை அமைச்சகம் ஆகியவற்றை புகையிலை மற்றும் மதுபானம் தொடர்பான தேசிய அதிகாரசபை கோரியுள்ளது.

அறிக்கையின் அடிப்படையில் சட்ட நடவடிக்கை தொடங்கப்படும்.

‘லயன் ஹார்ட்’ நிறுவனத்தினால் கருவாவினால் தயாரிக்கப்பட்ட சிகரெட்டை தொழில்துறை அமைச்சர் விமல் வீரவன்ச புதன்கிழமை (17) பொதுமக்களுக்கு அறிமுகப்படுத்தினார்.

புதிய சிகரெட்டை அறிமுகப்படுத்திய அமைச்சர் வீரவன்ச, கறுவா அடிப்படையிலான சிகரெட்டுகளை தயாரிப்பதைத் தடுக்க பல்வேறு நிறுவனங்கள் முயற்சித்த போதிலும், தொழில்துறை அமைச்சராக அவர் தயாரிப்புக்கு தனது ஆதரவை வழங்குவார் என்றார்.

What’s your Reaction?
+1
0
+1
0
+1
0
+1
0
+1
0
+1
1
+1
0

Related posts

இந்தியாவில் ‘இரட்டை உருமாற்ற கொரோனா வைரஸ்’ 18 மாநிலங்களில் கண்டுபிடிப்பு!

Pagetamil

வடமாகாணத்தில் இன்று அடையாளம் காணப்பட்ட கொரோனா தொற்றாளர்கள் விபரம்!

Pagetamil

நீண்ட போரை முடிப்பதாக அமெரிக்கா அறிவிப்பு: ஆப்கானிலிருந்து படைகள் திரும்புகின்றன!

Pagetamil

Leave a Comment

error: Alert: Content is protected !!