இலங்கையில் புர்கா பயன்பாட்டை தடை செய்வதற்கான திட்டம் நாளைய வாராந்த அமைச்சரவைக் கூட்டத்தின் போது பரிசீலனைக்கு எடுத்துக் கொள்ளப்படுமா என்பதை உறுதிப்படுத்த முடியாது என்று பொதுப் பாதுகாப்பு அமைச்சர் சரத் வீரசேகர தெரிவித்துள்ளார்.
ஜனாதிபதி கோட்டபய ராஜபக்ஷவின் தலைமையில் வாராந்த அமைச்சரவைக் கூட்டம் நாளை கொழும்பில் நடைபெற உள்ளது.
இலங்கையில் புர்கா பயன்பாட்டை தடைசெய்யும் அமைச்சரவை பத்திரத்தை, பொதுப்பாதுகாப்பு அமைச்சர் வீரசேகர ஏற்கனவே சமர்ப்பித்துள்ளதாக தெரிவித்திருந்தார். எனினும், இது நாளை விவாதத்திற்கு எடுக்கப்படுமா என்பதை அறியவில்லையென தெரிவித்துள்ளார்.
தேசிய பாதுகாப்பை உறுதிசெய்யும் முயற்சியாக புர்கா தடை அமுல்ப்படுத்தப்படவுள்ளதாகவும், அரசாங்கம் புர்காவை தீவிரவாதத்தின் அடையாளமாக கருதுகிறது என்று அமைச்சர் வீரசேகர கூறியுள்ளார்.
